غزنی ولایتی اندر تومنیده «نازو انا» قیزلر مکتبی نینگ ایشی تکمیل بولیب و اوتگن کون ایسه افغانستان بوییچه ناروی کمیته نینگ عمومی مسئولی و اوشبو ولایت نینگ محلی مسئوللری تامانیدن آچیلگن. مذکور مکتبی نینگ آچیلیش محفلی گه، غزنی محلی رسمی‌لری و افغانستان بوییچه ناروی کمیته مسئوللری اشتراک قیلگن ایکن.
اندر تومنی نینگ بازاریده «نازو انا» قیز مکتبی نینگ آچیلیش محفلی‌ده غزنی معارف رئیسی منیراحمد منصور، اوشبو مکتب نینگ قوریلیشی اوچون افغانستان بوییچه ناروی کمیته نینگ مالی حمایتی‌دن خورسند‌لیک بیلدیریب و ایتیشیچه، اندر تومنیده بیر طبقه‌ده اساسی و درست شکلده توزه‌تیلگن بیرینچی قیزلر مکتبی دیر.
اونگه کوره، حاضر ایسه اوشبو ابتداییه مکتب‌ده ۵۰۰ قیز اوقووچی تعلیم کورماقده دیر. شونده‌ی بیرحالده، اندر تومنی نینگ یشاوچیلری اوشبو تومن‌ده بیرینچی قیزلر مکتب نینگ توزه‌تیلگنیدن خوش قرشی‌لب و شونینگدیک مسئوللردن اوشبو تومن نینگ باشقه قیشلاغ‌لریده هم مکتب قوریشلری نی سوره‌گنلر.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، افغانستان بوییچه ناروی کمیته نینگ عمومی مسئولی، اوشبو مکتب نینگ آچیلیش مراسمی‌ده ایتیشیچه، مذکور کمیته ۳۰ ییل‌دن کوپ اندر تومنیده ساغلیک و تعلیم و تربیه بولیم‌لریده فعالیت قیله‌دی و اولر کیله‌جک‌ده اوشبو بولیم‌لرده افغانستان اسلامی امارت بیلن همکارلیک قیلیش نی نظر گه آلگنلر.
اونگه کوره، «نازو انا» قیزلر مکتبی نینگ قوریلیش ایشی‌ده ۱۶ مینگ دالر مصرف بولیب و اوشبو پروژه نینگ خره‌جتی افغانستان بوییچه ناروی کمیته تامانیدن توللنگن دیر.
بیزلرنینگ توییترده هم تعقیب قیلینگ!
شونینگدیک اوشبو محفل‌ده افغانستان بوییچه ناروی کمیته نینگ عمومی مسئولی و غزنی نینگ معلومات و مدنیت و معارف رئیس‌لری تامانیدن مکتب نینگ قونقیراغی چلینیب و اوشبو تومن‌ده رسمی شکلده تعلیمی ینگی ییل پروسه‌سی باشلنگن دیر.
اورته و لیسه قیزلر مکتب‌لری نینگ یاپیق قالگنی، ایچکی و تشقی عکس‌العمل‌لر بیلن روپه‌رو بولگن بیرحالده، غزنی نینگ اندر تومنیده بیرینچی قیزلر مکتبی آچیلگن دیر.