نیچه پیت آلدین میدان‌وردک ولایتی نینگ بهسود تومنیده علیپور گه تیگیشلی جنگریلر و امنیتی کوچلر آره‌سیده یوز بیرگن آتیشمه‌ده خاص کوچلر عضوی شیرالله گردیزی هلاک ایتیلگن ایدی.
شیرالله گردیزی ۳ ییل آلدین خاص کوچلر صفتیده ایش‌گه باشله‌گن و عایله‌سی نینگ یالغیز سرپرستی ایدی.
شیرالله نینگ جنازه مراسمیده اشتراک قیلگن کیشی‌لر حکومت دن عدالت ایسته‌یدیلر.
شیرالله نینگ کیچیک ایناغه‌سی عبدالرحمان عدالت ایسته‌یدی.
اونینگ ایتیشیچه، ایناغه‌سی عایله‌لری نینگ یالغیز سرپرستی ایدی و وطن دن حفاظت قیلیش یولی‌ده قربان بولدی.
او، جمهور رییس و امنیتی نهادلردن ایناغه‌سی نینگ قاتلی‌نی قولگه آلیب جزالنتیریشینی سوره‌یدی.
میدان‌وردک ده قوراللی گروه‌لر نینگ حضوری و اولردن کینگ شکلده حمایت قیلینیش اهالینی خواطرگه تشله‌گن.
اولرنینگ ایتیش‌لریچه، ناقانونی قوراللی گروه‌لر قومندانی علیپور قولگه آلینگن ایدی، لیکن جمهورلیک ریاستی نینگ ایکینچی اورین باسری سرور دانش نینگ ضمانتی سبب، آزاد ایتیلگن و حاضرده مسوولیت جناب دانیش نینگ بوینیگه دیر.
پکتیا یشاوچی‌لری نینگ ایتیش‌لریچه، بونده‌ی گروه‌لردن حمایت قیلیش و اولرنی تجهیزلنتیریش نظام‌گه زیان ییتیشتیره‌دی.
ملی مدافعه وزیرلیگی بیر اعلامیه آرقه‌لی، افغانستان هوایی کوچلریگه تیگیشلی بولگن بیر تیک‌اوچر میدان‌وردک ولایتی نینگ بهسود تومنیده علی‌پورگه تیگیشلی قوراللی کیشی‌لر تامانیدن هدف آستیگه قرار بیریلگنی نی بیلدیریب و بو واقعه عامل‌لری جزالنتیریلیشی اوستیگه تاکید قیلگن.
