جمهورلیک ریاستی ایکینچی اورین باسری نینگ ایتیشیچه، افغانستان دولتی و طالبان گروهی آره‌سیده بولگن تینچلیک سوزلشوولر قیین‌چیلیک بیلن دوچ کیلگن.
بوگون “جمعه” جمهورلیک ریاستی ایکینچی اورین باسری محمدسرور دانش نینگ محمدمحقق نی اوغلی محمدباقر محقق نینگ اولیمی‌نی بیرینچی ییل‌لیگی ایسلش اوچون یولگه قوییلگن مراسمده ایتیشیچه، طالبان نینگ مذاکره قیلووچی هیاتی سیاسی سفرلر بیلن مصروف دیر و سوزلشوولر دوام تاپیشی اوچون ینگی شرط لر اوشبو گروه تامانیدن قوییلگن.
جناب دانش مملکتده تینچلیک‌نی تامینلش اوچون حاضرگی فرصت‌نی اونملی عنوان قیلیب و تینچلیک تامین‌لنیشی اوچون دولت نینگ سعی و حرکت‌لرینی شجاعانه توصیف قیلگن. اونینگ ایتیشیچه، طالبان گروهی صداقت بیلن سعی و حرکت قیلمه‌گن.
جمهورلیک ریاستی اورین باسری نینگ ایتیشیچه، مملکتده اوروش و زوروانلیک کوپه‌یگن و زوروانلیک کمه‌یتیریلیشی خصوصیده آمریکا و طالبان نینگ تعهدلری عملگه آشیریلمه‌گن. اونینگ کوپه‌یتیریشیچه، افغانستان تینچلیک جریانی بوییچه آمریکا خاص نماینده‌سی زلمی خلیلزاد، افغانستان جمهور رییسی محمداشرف غنی بیلن اوچره‌شوویده، طالبان ۴۰۰ محبوسی آزاد ایتیلمه‌گن صورتده، زوروانلیکلر کوپه‌یشی ممکن‌لیگینی بیلدیرگن ایدی.
جناب دانش گه کوره، حکومت لویه‌جرگه قراری اساسیگه طالبان ۴۰۰ محبوسینی آزاد قیلگن، لیکن زوروانلیک کمه‌یتیریلیشی خصوصیده بولگن وعده‌لر عملگه آشیریلمه‌گن. او، طالبان تامانیدن بیریلگن وعده‌لر عملگه آشیریلمه‌گنینی سوراق‌لی عنوان قیلیب و آزاد ایتیلگن طالبان نینگ کوپ قطاری اوروش میدانی‌گه قیتگن دیگن.
جمهورلیک ریاستی ایکینچی اورین باسری نینگ تاکید قیلیشیچه، موقت حکومت ریجه‌سی اوتمیش‌گه قیتیش و نظام نابود ایتیلیشی معناسیگه دیر. اونینگ ایتیشیچه، تاریخی تجربه‌لرگه کوره، موقت حکومت نتیجه بیرمه‌گن.
جناب دانش، سیاسی انسجام و ملی بیرلیک سقله‌نیشی اوستیگه تاکید قیلیب و هرقنده‌سی سیاسی، اجتماعی و زبانی تارتیشوولر اوروش‌دن خطرلی بولگنی نی بیلدیرگن.