پروان محلی مسئوللری نینگ تصدیق‌لب ایتیش‌لریچه، بوگون (یکشنبه، ۲۳_اسد) توش‌دن کیین، اوشبو ولایت نینگ سیاه‌گرد و شینواری تومنلریده یوز بیرگن سوو تاشقین نتیجه‌سیده، ۱۷ کیشی هلاک و اونلرچه کیشی ایسه یوقالگن دیر. شونینگدیک یوزلرچه یشش اوی و مینگلرچه جریب ییر تخریب بولگن دیر.
بیزلرنینگ فیسبوک صحیفه‌میزگه باش اورینگ!
پروان معلومات و مدنیت ریاست رئیسی شمس‌الحق صدیقی شینواری ولسوالی قول خان محمد‌دن نقل قیلیب، اوشبو تومن‌ده یوز بیرگن سوو تاشقین نتیجه‌سیده ۱۳ کیشی نینگ هلاک بولگنی نی سلام‌وطندار گه تصدیق‌لگن. اونینگ ایتیشیچه، تلفات سانی کوپه‌یشی ممکن.
بولر گه علاوه، شونینگدیک سیاه‌گرد تومنیده یوز بیرگن سوو تاشقین سبب، ۴ کیشی هلاک بولگن. مذکور تومن‌ده کوپینچه یشش اوی اورته‌دن کیتیب و شونینگدیک «تیکمر» منطقه‌سیده بیر قیشلاغ بیلن ۳۰ اوی مکمل شکلده سوو آستیده قالگن دیر.
بیزلرنینگ توییترده هم تعقیب قیلینگ!
پروان معلومات و مدنیت ریاست رئیسی نینگ کوپه‌یتیریشیچه، حاکم، امنیه قوماندان، عامه فواید رئیسی، طبیعی حادثه‌لر گه قرشی کوره‌ش رئیسی، عامه ساغلیق نی سقلش رئیسی، قیزیل خاج رئیسی و بیر قطار رسمی‌لر و پروان محلی مسئوللری زیان کورگنلر گه یاردم بیریش اوچون، واقعه محلی گه کیتگنلر.
ایتیش کیره‌ک که، پروان_بامیان عمومی سرکی هم اوشبو سوو تاشقین‌لر سبب ترافیک یوزیگه باغلنگن دیر.
