اوتگن کون (دوشنبه ۱۲- عقرب) توشدن آلدین ساعت ۱۱ اطرافیده قوراللی کیشیلر کابل بیلیم یورتی اوستیگه هجوم قیلیب، قطار طلبه‌لرنی اولدیرگن. بو هجوم کوپینچه عکس‌العمل‌لرگه روپه‌رو بولگن.
کابل بیلیم یورتی اوستیگه اویوشتیریلگن هجوم برابریده مذکور بیلیم‌یورت اوقووچی‌لری هم عکس‌العمل کورستگن.
بوگون قطار اوقوچیلر و مدنی فعاللر اوتگن کون اویوشتیریلگن هجوم‌نی قاره‌لش اوچون، کابل بیلیم یورتی نینگ ایشیگی برابریده بیر ناراضلیک ییغین یولگه قویگنلر.
اوشبو ناراضچیلر، مذکور حادثه جدی شکلده تیکشیریلیشی و حادثه عامل‌لری اعدام قیلینیشی نی سوره‌شگن.
گرچند طالبان گروهی اوشبو هجوم‌ده قول‌لری بارلیگی نی رد قیلگن، لیکن کابل بیلیم یورتی ایشیگی برابریده توپلنگن اوقوچیلر مذکور هجوم‌نی طالبان گه نسبت بیریب و دوحه‌شهریده دوام ایته‌دیگن مذاکره توخته‌تیلیشی اوستیگه اورغوله‌گن.
اوشبو هجوم گه بلخ، هلمند و پکتیا ولایت‌لری نینگ دین‌عالم‌لری، اوقووچی‌لری و یشاوچیلری هم عکس‌العمل کورستگن.
کابل بیلیم یورتی اوستیگه اویوشتیریلگن قانلی هجوم باعث، افغانستان دولتی (سه‌شنبه ۱۳- عقرب) نی ملی ماتم اعلان قیلدی.
جمهور رئیس اشرف غنی بیر ویدیویی پیام آرقه‌لی اوشبو هجوم نی قاره‌لب و بو هجوم انتقامی نیچه برابر آلینیشی نی ایتگن.
مملکت عامه‌ساغلیک وزیرلیگی تامانیدن ترقه‌تیلگن گزارش گه کوره، مذکور هجوم نتیجه‌سیده ۲۲ کیشی هلاک و ۲۷ کیشی یره‌لنگن، لیکن جمهور رئیس بیرینچی اورین باسری ایسه بو هجوم‌ده، ۴۰ کیشی تن جراحتی کوتارگنی نی ایتگن. عین‌حالده جمهور رئیس بیرینچی اورین باسری کابل بیلیم یورتی اوستیگه اویوشتیریلگن هجوم خصوصیده استخبارات ناکام‌لیگی نی بیلدیرگن.
