سیاسی ایش بیلرمان‌لردن قطاری نینگ ایتیش‌لریچه، جاری اوروش‌لرده افغانستان حکومتی نینگ بیللی بیر حربی استراتیژیسی یوق.
سیاسی ایش‌بیلرمان‌لردن بیری باقر محسنی‌گه کوره، حکومت نینگ اوروش میدانی‌ده بیللی بیر حربی استراتیژیسی بولمه‌گن بیرحالده، سیاسی میدان گه هم چندان یوتوقی بولمه‌گن.
جناب محسنی نینگ کوپه‌یتیریشیچه، تینچلیک مذاکره‌سی افغانستان حکومتی نینگ اراده و نظارتیدن چیققن و منطقه مملکت‌لری افغانستان نینگ سیاسی تیزیمی‌گه نفوذ قیلیش اوچون سعی و حرکت قیلماقده.
سیاسی ایش‌بیلرمان‌لردن باشقه‌بیری مصطفی علی‌زاده نینگ ایتیشیچه، افغانستان حکومتی نینگ تشقی و حربی سیاست خصوصیده بیللی بیر برنامه‌سی یوق. بو حقده حکومت نینگ فکرینی آلیش اوچون سعی و حرکت قیلدیک، لیکن موفق بولمه‌دیک.
دوحه ده دوام ایتیب کیله‌دیگن افغانستانلیکلرارا سوزلشوولر، حاضرگچه هیچ بیر نتیجه بیرمه‌گن و شونینگدیک اوروش هم شدت‌لنگن.
ایش‌بیلرمان‌لرنینگ ایشانچی گه کوره، افغانستانلیکلرارا سوزلشوولر مثبت نتیجه بیرگن بیرحالده هم، افغانستان ده تینچلیک تامین بولمه‌یدی و اوروش دوام تاپه‌دی.
