یشش محیطنی سقلش اداره عمومی باشلیغی بیر هیئت باشچیلیگیده، خلقارا شهرلیک فورمیده اشتراک ایتیش اوچون آذربایجان گه جونب کیتدی.
یشش محیط عمومی ادارهسی، بوگون (۲۵ ثور/۱۵ می، جمعه) ایکس صحیفهسیده بیر بیانیه ترقهتیب، اوشبو اداره باشلیغی مطیعالحق خالص باشچیلیگیده هیئت، بیرلشگن ملتلر تشکیلاتی اوی-جای دستوری تامانیدن اوتکزیلهدیگن اون اوچینچی خلقارا شهرلیک فورمیده اشتراک ایتیش اوچون آذربایجان پایتختی باکو گه جونب کیتگنینی بیلدیردی.
خلقارا شهرلیک فورم دنیانینگ مهم شهرلیک و ایکولوژیک ییغیلیشلریدن بیری حسابلنهدی. اونده تورلی دولتلر وکیللری، وزیرلر، شهر حاکملری، خلقارا تشکیلاتلرنینگ وکیللری، اقلیم اوزگریشی متخصصلری همده شهرلرنی رواجلنتیریش گه تعلقلی ادارهلرنینگ وکیللری اشتراک ایتهدی.
یشش محیط عمومی ادارهسی، افغانستاننینگ بوندهی خلقارا فورملرده اشتراک ایتیشینی مهم بهالب، بوندهی دستورلر خلقارا تجربهلرنی اورگهنیش، اقلیم و یشش محیط همکارلیکلرینی کینگهیتیریش و مملکت شهرلیک همده یشش محیط قیینیچیلیکلریگه ییچیم یول قیدیریش اوچون ایجابی دیب بهالهگن.
بو ییغیلیش ۱۷-۲۲ می گچه اوتکزیلیشی کوتیلهدی.
