آمریکا مدافعه وزیری لوید آستین نینگ ایتیشیچه، افغانستان اردوسی طالبان نظارتی‌گه اوتگن منطقه‌لرنی قیته‌دن تصرف قیلیش اورنیده طالبان نینگ پیشرولیگیگه توسیق بولیشی کیره‌ک.
اونینگ اوتگن “شنبه” کونی خبرچی‌لرگه ایتیشیچه، افغانستان اردو ولایت‌لرنینگ مرکزلریده سنگرلرینی کوچلی قیلماقده و قولدن کیتگن منطقه‌لرنی قیته‌دن تصرف قیلیش ظرفیت و کوچی‌گه دیر.
سلام‌وطندار اوزبیک بولیمی‌نی فیسبوک‌ده تعقیب قیلینگ
بوندن آلدین آمریکا حربی‌لری نینگ قوشمه ستادی باشلیغی مارک میلی، افغانستان اردوسی ولایت‌لر مرکزی شامل جمعیتی کوپ بولگن منطقه‌لردن حفاظت قیلیش برنامه‌سینی قولگه آلگن.
افغانستان حکومتی هم طالبان نینگ پیشرولیگیگه توسیق بولیش اوچون اوتگن کونی مملکت ۳۱ ولایتیده اوتیب-قیتیش چیکلاوی یره‌تگن.
ایچکی ایش‌لر وزیرلیگی نینگ ایتیشیچه، کابلَ، پنجشیر و ننگرهار ولایتلری خارج باشقه ولایت‌لر یشاوچی‌لریگه کیچه ساعت ۱۰ دن باشلب ایرته‌لب ساعت ۴ گچه اوتیب-قیتیش اوچون رخصت بیریلمه‌یدی.