افغانستان اسلامی امارت تشقی ایشلر وزیرلیگی سوزلاوچیسی عبدالقهار بلخی نینگ ایتیشیچه، اوشبو وزیرلیک سرپرستی امیرخان متقی، اقیانوسیه و آسیا بولیمی رئیسی برتراند لورتولاری، فرانسه تشقی ایشلر وزیرلیگی نینگ جنوبی آسیا بولیمی مسئولی دیمین سید بیلن اسلو‌ده اوچره‌شدیلر.
بوگون اسلامی امارت تشقی ایشلر وزیرلیگی سوزلاوچیسی، فرانسه تشقی ایشلر وزیرلیگی نینگ جنوبی آسیا بولیمی مسئولی‌دن نقل قیلیب توییتر صحیفه‌سیده یازگن که، بو مملکت افغانستان گه انسانی یاردم‌لری نی دوام بیره‌دی.
فرانسه تشقی ایشلر وزیرلیگی نینگ جنوبی آسیا و اقیانوسیه و آسیا بولیمی مسئوللری نینگ امیر خان متقی گه ایتیش‌لریچه: «افغانستان بیلن تاریخی رابطه‌لریمیز بار و بو ییل دیپلماتیک رابطه‌میز نینگ برقراریدن ۱۰۰ییل بولیشی ممکن.» فرانسه تشقی ایشلر وزیرلیگی رسمی‌لری نینگ تشقی ایشلر وزیرلیگی سرپرستی گه ایتیش‌لریچه، اولر نینگ اسلامی امارت بیلن تعامل قیلیش‌لری ممکن.
تشقی ایشلر وزیرلیگی سرپرستی عبدالقهار بلخی گه کوره، اوشبو اوچره‌شووده فرانسه بیلن ایجابی رابطه‌لر اوستیگه تاکید قیلیب و مذکور مملکت‌دن ساغلیک و تعلیم بولیم‌لریده یاردم قیلیش‌لری نی سوره‌گن. ایتیش کیره‌ک که، افغانستان اسلامی امارت قدرت گه ایریشگنیدن کیین، فرانسه رسمی‌لری بیلن اسلامی امارت نینگ بو بیرینچی اوچره‌شووی دیر.
