تخار اقتصاد باشلیغی فداءالرحمن احمدی نینگ ایتیشیچه، جمهوریت توزومی قولشیدن کیین، اوشبو ولایت ده ۴ میلیارد ۶۰۶ مینگ افغانی‌لیک یوزته ترقیاتی پروژه نینگ، بودجه‌سیزلیک باعث ایشی یریم قالگن.
اونگه کوره، اولر آره‌سیده یالغیز آلتی پروژه ایشی دوام ایتماقده.
جناب احمدی، حاضرگی حکومت رهبریتیدن، توخته‌تیلگن پروژه‌لر عملگه آشیریلیشی و ایشلری قیته دن باشله‌نیشی اوچون بودجه اختصاص بیریشینی طلب قیله‌دی.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه: «اوشبو پروژه‌لر ماورای کوکچه تومن‌لری نینگ سرکی، ورسج تومنی سرکی، کیچیک سوو توغان‌لری، مکتب و مسجدلرنی تعمیرلش و قوریش دیر که آلدین ایشلری دوام ایتماقده ایدی، لیکن سونگی سیاسی اوزگریش دن کیین ایشلری توخته‌تیلگن.»
تخار یشاوچیلری نینگ ایتیشلریچه، توخته‌تیلگن پروژه‌لر ایشی باشله‌نیشی بیلن، اهالی ایش بیلن تأمینله‌نیش گه قوشیمچه، اولر نینگ قیینچیلیکلریدن بیر بولیمی حل ایتیله‌دی.
تخار یشاوچیلریدن صدرالدین نینگ سلام‌وطندار گه ایتیشیچه: «مملکت فقراسی اوله‌راق سرپرست حکومت دن، تخار ولایتیده توخته‌تیلگن پروژه‌لر اینیقسه ماورای کوکچه سرک‌لرینی قیته قوریش پروژه ایشی باشله‌نیشینی ایسته‌یمن، اوشبو پروژه ایشی باشلنگن تقدیرده قطار کیشی‌لر ایش بیلن تأمینله‌نیب و سرک هم تعمیرلنه‌دی.»
بیزلرنینگ توییترده هم تعقیب قیلینگ!
تخار یشاوچیلریدن باشقه بیری نبی‌الله گه کوره: «سابق حکومت زمانیدن ایشلری یریم قالگن پروژه‌لر، مکتب و سرک‌لرنی قوریش و تعمیرلش و سوو توغان‌لرینی قوریش پروژه‌لر دیر، ایشی باشله‌نیشینی ایسته‌یمیز، بو پروژه‌لر ایشی باشله‌نیشی بیلن، اهالی ایش بیلن تأمینله‌نیشگه قوشیمچه، یشاوچیلر نینگ قیینچیلیگی و خواطرلری حل بوله‌دی.»
اسلام امیرلیگی حاکمیت نی قولگه آلیشیدن کیین، قیته قوریش و ترقیاتی ساحه‌لرده خلق‌ارا یاردم‌لر کیسیلیشی بیلن، قطار ولایت‌لرده کوپ سانده ترقیاتی پروژه‌لر ایشی توخته‌تیلگن.
