تخار ولایتی دشت‌قلعه تومنیده آی‌خانم بندری، تاجیکستان و افغانستان آره‌لیغیده جایلشگن بندرلردن دیر، هر ییلی اوشبو بندر آرقه‌لی کوپ مقدارده سوداگرلیک توارلر صادر و وارد ایتیله‌دی؛ بیراق اسلام امیرلیگی حاکمیتیدن کیین، مذکور بندردن صادرات و واردات صفر بولگن.
آی‌خانم بندری نینگ باجخانه آمری محمد اسماعیل نینگ سلام‌وطندار گه ایتیشیچه: «سابق حکومت وقتیده، صادرات و واردات نسبتن یخشی ایدی؛ حاضر هم بار لیکن آز دیر، اوشبو بندر دن کوپراق سمنت وارد ایتیله‌دی، پسته و باشقه بیرقطار سوداگرلیک توارلر.»
بیزلرنینگ فیسبوک صحیفه‌میزگه باش اورینگ!
آی‌خانم بندری دن وارد و صادر قیلووچی سوداگرلر، مذکور بندردن واردات و صادرات کمه‌یش سببینی تاجیکستان هیداوچیلری اتفاقی تامانیدن سوداگرلیک توارلر انتقالی اوچون کوپ خرجت آلینیشی عنوان قیلیب ایتیشلریچه، حاضر سوداگرلیک توارلرینی قندوزده شیرخان بندری آرقه‌لی افغانستان گه وارد قیله‌دیلر.
سوداگرلردن احمدشاه نینگ ایتیشیچه: «آی‌خانم بولیمی قراردادی تاجیکستان ده‌گی کمپنیه دن ایری ایدی؛ شونی اوچون یوک‌لرنی کمه‌یتیریشگن. یوک نی کوپ قیلیشکندن کیین، تاجیکستان هیداوچیلری اتفاق قوریب اجاره پول‌نی کوپه‌یتیردیلر. آی‌خانم بندری آرقه‌لی مفاد قیلمس ایدیک، شونی اوچون کرایه ارزان بولگونچه وقتینچه‌لیک توخته‌تدیک.»
جمهوریت توزومی قوللمسلیگیدن آلدین، آی‌خانم بندری نینگ ایریم بولیملریده ۲۰۰ ایشلاوچی ایشلرایدی، حاضر اولردن قطاری ایش‌سیز بولگن.
بیزلرنینگ توییترده هم تعقیب قیلینگ!
مذکور بندرده ایشلاوچیلرنی هماهنگ قیلووچی یارجان نینگ سلام‌وطندار گه ایتیشیچه: «سابق پسته کیلر ایدی، لیلامی وباشقه نرسه‌لر صادر بولردی. حاضر تاجیکستان ده خریداری یوق می یا باشقه دلیل بارمی بیلمه‌ی من. حاضر یالغیز سمنت وارد بوله‌دی. عمومن آلگنده اوتمیش گه نسبتن حاضر ایش کمه‌یگن.»
آی‌خانم بندری، افغانستان و تاجیکستان ارا ترانزیتی بندرلردن سنله‌دی، سابق حکومت‌لر وقتیده اوشبو بندر نینگ صادرات و واردات مقداری کوپه‌یشی اوستیگه تلاش قیلینمه‌گن. حاضر سوداگرلیک توارلر ستندردسیز قییق‌لر آرقه‌لی تاجیکستان دن افغانستان گه وارد ایتیلماقده.