تخار ساغلیق‌نی سقلش ریاست مسئوللری، اوشبو ولایت ده ایکی ییل دن کیین معتادلرنی درمانلش ۴۰ بسترلیک کسلخانه فعال بولیشیدن خبر بیره‌دیلر.
تخار ساغلیق‌نی سقلش باشلیغی عبدالقهار احمدی نینگ سلام‌وطندار گه ایتیشیچه، اوشبو ولایت ده معتادلرنی درمانلش کسلخانه سه‌شنبه کونی، ۲۵ دلو، قیته فعال بولگن.
بیزلرنینگ فیسبوک صحیفه‌میزگه باش اورینگ!
جناب احمدی نینگ کوپه‌یتیریشیچه، بودجه‌سیزلیک باعث اوشبو کسلخانه ایکی ییل دن بیری غیر فعال بولگن ایدی، بیراق ینگی‌لیکده ساغلیق‌نی سقلش وزیرلیگی نینگ مالی حمایتی بیلن قیته فعال بولگن.
تخار ساغلیق‌نی سقلش باشلیغی گه کوره، ۳۰ ایشلاوچیسی بولگن مذکور کسلخانه نینگ بیرینچی فعال بولیش کونیده، تالقان شهری بویلب ۳۰ معتاد ییغیلیب و دوالنماقده‌لر.
عین‌حالده، تخار ده‌گی معتاد کیشی‌لر اوشبو کسلخانه فعال بولیشیدن خورسندلیک قیلیب ایتیشلریچه، مذکور کسلخانه ده دارو_دوالنیش‌لریدن کیین جمعیت گه مفید انسان اوله‌راق قیتیش گه امید بیلدیره‌دیلر.
بیزلرنینگ توییترده هم تعقیب قیلینگ!
اوتگن حکومت ده معتادلر سانی ۳۰ مینگ کیشی دن آرتیق دییلگن ایدی، بیراق حاضر محلی رسمی‌لر تخار ده‌گی معتادلر نینگ انیق رقمی معلوم ایمسلیگینی ایته‌دیلر.
بوندن آلدین هم معتادلر ییغیلیب دارو_دوالنگن ایدی بیراق اولر، ساغه‌یگنلریدن کیین ایش شرایطی یره‌تیلمه‌گن تقدیرده، بنگی‌وار ماده‌لر گه یوز کیلتیریش احتمالی دن آگاه‌لنتیره‌دیلر.
