تاشقرغان-قندوز قتناو یولی بلخ و سمنگان قتناو یولیدن اَیریلیب و خُلم و چهار دره تومنی‌دن اوتیش بیلن، قندوز شهری گه وصل بوله‌دی. شونینگدیک اوشبو یول‌دن تخار و بدخشان ولایتلری نینگ یولاووچی‌لری اوتیب_قیته آله‌دیلر.
قندوز‌ده هیداوچیلر و یشاوچیلردن قطاری نینگ ایتیش‌لریچه، ۱۰ ییل آلدین تاشقرغان_قندوز قتناویولی نینگ ایشی باشلنگن ایدی و ناتینچ‌لیک سبب، ایشی توخته‌دی؛ بیراق حاضرگچه اونینگ ایشی قچان باشلنیشی بیللی ایمس.
اولر گه کوره، اوشبو یول نینگ قیته قوریلیشی بیلن، شمال‌شرق ولایت‌لر یشاوچیلری نینگ قیین‌چیلیگی حل بولیشی ممکن. یشاوچیلر اسلامی امارت‌دن اوشبو یول نینگ قالگن ایشی نی تکمیل قیلیش‌لری نی ایسته‌یدیلر.
بیزلرنینگ فیسبوک صحیفه‌میزگه باش اورینگ!
اوشبو قتناویولده هیداوچیلردن بیری محمدبشیر نینگ ایتیشیچه: «اوتمیش‌ده موترلریمیز بغلان و پلخمری یولیدن کیته‌ر ایدی و یول نی ۵ و یا ۵ یریم ساعت طی قیله‌ر ایدیلر. حاضر ایسه موترلریمیز چهاردره یولیدن ایرگنک کیته‌دی و اوشبو یولده موترلریمیز بوزیله‌دی. اوشبو چهاردره یولی توزه‌لگن صورت‌ده، هیداوچیلر اوچون کوپ آسایشته‌لیک یره‌تیله‌دی. اسلامی امارت‌دن بوتوغریده توجه قیلیش‌لری نی ایسته‌یمیز.»
شونینگدیک قندوز یشاوچیلریدن قطاری نینگ ایتیش‌لریچه، اولر بغلان ولایتی‌دن ۵ ساعت‌ده طی قیلگن یوللری نی قندوز نینگ ایرگنک یولیدن ۳ ساعت‌ده طی قیله‌دیلر.
اولرنینگ تاکید قیلیش‌لریچه، مذکور یول نینگ قیته قوریلیشی بیلن، خُلم و چهاردره تومنلری مسیری‌ده‌گی بازارلر هم پیشرفت قیلیب و اهالی نینگ اقتصاد سطحی یخشی‌لنه‌دی.
قندوز ولایت یشاوچیلریدن باشقه بیری نصیر احمد نینگ ایتیشیچه: «بو یول خامه دیر. بو یول توزه‌لگن صورت‌ده، یالغیز بیزلر اوچون ایمس، بلکیم تخار و بدخشان اهالی‌سی گه هم بویوک بیر آسایشته‌لیک ایجاد قیله‌دی.»
بیزلرنینگ توییترده هم تعقیب قیلینگ!
عین حالده، قندوز ولایتی معلومات ومدنیت ریاست رئیسی مطیع‌الله روحانی نینگ ایتیشیچه، اوشبو سرک‌لر نینگ اساسی قیین‌چیلیک‌لری نی عامه فواید مسئوللری بیلن شریک قیلگن و اولر نینگ ایشی قیته باشلنیشی خصوصیده امید‌وار دیر.
قندوز محلی مسئوللری نینگ تاکید قیلیش‌لریچه، اوشبو یوللر بلخ و قندوز ولایتلری نینگ بیر بیری گه وصل قیلیشی گه علاوه، شونینگدیک ازبکستان و تاجکستان مملکت‌لر نینگ چیگره یوللری نی هم یقین قیله‌دی.
تاشقرغان-قندوز سرکی شونینگدیک ایرگنک سرکی گه مشهور دیر که، مذکور سرک ۱۱۶ کیلو‌متر طول و ۱۰ کیلو‌متر عرضی بار و او نینگ تکمیل بولیشی بیلن، سمنگان و بغلان ولایتلری تامانیدن طی بوله‌دیگن اوزین یوللر، آز بیر زمان‌ده طی بولیشی ممکن.
