اسلامی امارت تشقی ایشلر وزیرلیگی سرپرستی امیر‌خان متقی، ناروی گه قیلگن سفری جریانیده اوشبو مملکت خیری موسسه‌لر مسئوللریدن قطاری بیلن اوچره‌شگن.
تشقی ایشلر وزیرلیگی سوزلاوچیسی عبدالقهار بلخی نینگ توییتر صحیفه‌سیده یازیشیچه، اوشبو اوچره‌شوو بوگون ناروی نینگ ۷ خیریه موسسه مسئوللری بیلن افغانستانده‌گی انسانی وضعیت حقیده اسلوده اوتکزیلگن.
اونگه کوره، اوشبو ییغین‌ده خیریه موسسه‌لر نماینده‌لری ساغلیک، معارف، ایکینچیلیک و چارواچیلیک، ماین تازه‌لش و افغانستان گه انسان‌دوستلیک یاردم‌لر خصوصیده همکارلیک قیلیش اوچون سوز بیرگن.
بیزلرنینگ فیسبوک صحیفه‌میزگه باش اورینگ!
بلخی نینگ کوپه‌یتیریشیچه، تشقی ایشلر وزیرلیگی سرپرستی، افغانستانده موجود تینچلیک نی یخشی بیر فرصت دیب و یاردم‌لر نینگ یتیشتیریش و ترقه‌تیلیشی زمینه‌سیده اسلامی امارت نینگ کامل همکارلیگیدن ایشانچ بیرگن.
بوندن آلدین، اسلامی امارت تشقی ایشلر وزیرلیگی سرپرستی ناروی پایتختی اسلو تامان اوچ کونلیک قیلگن سفری‌ده، اروپا اتفاقی و غربی مملکت‌لر نماینده‌لریدن قطاری بیلن اوچره‌شگن.
بیزلرنینگ توییترده هم تعقیب قیلینگ!
