انسان حقوقی ایرکین کمیسیونی نینگ ایتیشیچه، جاری میلادی ییل نینگ بیرینچی ۶ آی ده صورت تاپگن قتل‌لردن ۳۱% نی هدف‌لی ترورلر تشکیل بیره‌دی.
بوگون “چهارشنبه” انسان حقوقی ایرکین کمیسیونی نینگ بیر خبرنامه نشر قیلیب ایتیشیچه، عیاللر، باله‌لر، ژورنالیست‌لر، مدنی فعاللر، دولت نینگ ملکی ایشلاوچی‌لری و باشقه یشاوچی‌لر شامل ۹۴۵ کیشی اولدیریلگنلر جمله‌سیدن دیر.
اوشبو کمیسیون، کابل حاکمی اورین باسری محبوب‌الله محبی و یاردمچی‌سی، مدافعه وکیللردن بیری حشمت‌الله دقیق و غور ولایتی کینگش اورین باسری عبدالرحمان عطشان نینگ اولدیریلیشی‌گه اشاره قیلیب ایتیشیچه، مذکور کیشی‌لر دولت نینگ ملکی ایشلاوچی‌لریدن ایدی.
کابل حاکمی اورین باسری محبوب‌الله محبی و یاردمچی‌سی اوتگن “سه‌شنبه” کونی کابل شهری نینگ مکرویان ساحه‌سیده بیر پارتلش نتیجه‌سیده هلاک ایتیلگنلر.
اوندن سونگ، غور ولایتی کینگش اورین باسری عبدالرحمان عطشان، اوشبو ولایت مرکزی فیروزکو شهریده مقناطیسی بیر ماین نینگ پارتلشی سبب، جان بیردی.
شونینگدیک، مدافعه وکیللردن بیری حشمت‌الله دقیق اوتگن کونی عصر چاغیده کابل شهری نینگ خواجه‌بغرا منطقه‌سیده ناتانیش هجوم‌لر تامانیدن ترور قیلیندی.
انسان حقوقی ایرکین کمیسیونی، تینچ اهالی گه قرشی هجوم‌لرنی اوروش جنایتی عنوان قیلگن.
انسان حقوقی ایرکین کمیسیونی، ملکی نهادلر، میدیالر و مدنی فعاللر نینگ ترور قیلینیشیدن خواطر بیلدیریب و حکومتدن قربان بولگنلر خصوصیده بولگن تیکشیریش‌لر نتیجهسینی قربان بولگنلر عایله‌لری بیلن شریک قیلیب و عدالت‌نی تامین قیلیشی‌نی ایسته‌گن.
