طالبان مذاکره قیلووچی هیأت اورین‌باسری شیرمحمد عباس استانکزی نینگ ایتیشیچه، جمهوررئیس غنی نینگ حکومتی تینچلیک برابریده یگانه توسیق دیر.
طالبان مذاکره قیلووچی هیأت اورین باسری، روسیه پایتختی مسکو گه قیلگن سفریده خبری بیر ییغین آرقه‌لی بونده‌ی بیانات بیرگن.
استانکزی نینگ کوپه‌یتیریشیچه، جناب غنی قربانلیک بیریب و جمهورلیک ریاستیدن استعفا بیرگن حالده، افغانستان گه تینچلیک تأمین‌لنیشی ممکن. اونگه کوره، جمهوررئیس غنی نینگ حکومتی تینچلیک برابریده یگانه توسیق دیر و غنی اوز حکومتی نینگ دوام تاپیشی اوچون سعی و حرکت قیلماقده.
طالبان مذاکره قیلووچی هیأت اورین باسری نینگ ایتیشیچه، مملکتده چیت‌ایللیک کوچلرنینگ حضوری اوروش نینگ دوامی گه سبب بوله‌دی. جناب استانکزی گه کوره، اولر چین، روسیه، ایران و پاکستان شامل منطقه مملکت‌لریدن افغانستان تینچلیک پروسه‌سیدن حمایت قیلیش‌لرینی سوره‌گن.
اونینگ کوپه‌یتیریشیچه، طالبان گروهی دوحه کیلیشوونامه‌سی عملی ایتیلیشی اوچون هر کون آمریکالیک مذاکره قیلووچیلر بیلن علاقه گه دیر.
حکومت طالبان نینگ بیاناتی گه حاضرگچه عکس‌العمل کورستمه‌گن، بیراق بوندن آلدین جمهوررئیس غنی وقتینچه‌لیک حکومت و قدرت دن چیکله‌نیشی گه عکس‌العمل کورستگن ایدی. او ننگرهار قیلگن سونگی سفریده ایتیشیچه، اونینگ اساسی مسئولیتی قدرت نینگ اهالی نینگ اراده‌سی اساسیده تنلنگن جمهوررئیس گه تاپشیریش دیر.