مملکت بویلب آلتینچی صنف دن یوقاری قیز اوقووچیلر یوزی گه مکتب‌لر یاپیلیشی بیلن، قیز اوقووچیلر نینگ آنلاین اورگه‌تیش برنامه‌لر گه اشتراکی کوپه‌یگن.
ییتینچی صنف اوقووچیسی و آنلاین اورگه‌تیش برنامه‌لردن بیری نینگ اوقووچیسی بولگن سودابه گه کوره، آنلاین اورگه‌تیش برنامه‌لرده قیزلر نینگ حضوری کوپه‌یگن.
او نینگ ایتیشیچه: «آنلاین راه دانش مکتبی نینگ، تعلیم دن محروم قالگن اوقووچیلر اوچون آنلاین اورگه‌تیش اقدامینی خوش قرشی له‌یمن؛ بیراق مکتب‌لرده‌گی سبق‌لر بیریلمه‌یدی، اوی تاپشیریغی یوق شو بیلن هم قیزلر نینگ حضوری هم کوپه‌یگن.»
بیزلرنینگ فیسبوک صحیفه‌میزگه باش اورینگ!
بیلیم یورت دن فارغ بولیب و حاضر انگلیس تیلی ده آنلاین اورگه‌تیش برنامه‌لر اوقووچیسی صوفیه حمید نینگ ایتیشیچه، تعلیم دن اوزاق قالمسلیک و بیلیمینی آشیریش مقصدیده آنلاین برنامه‌لرنی ایزله‌یدی.
او نینگ کوپه‌یتیریشیچه: «مکتب دن محروم بولگن قیزلر اوچون، آنلاین اورگه‌تیش برنامه‌لر اونملی دیر.»
شو بیلن بیرگه، راه دانش، بانو، خانه‌سبز و باشقه نیچه مرکز شامل آنلاین اورگه‌تیش مرکزلر مسئوللری، اسم‌لری سر قالیش شرطی بیلن سلام‌وطندار گه ایتیشلریچه، آلتینچی صنف دن یوقاری قیز اوقووچیلر، ارتقا تاپیش گه تیارگرلیک کوریش مقصدیده آنلاین اورگه‌تیش برنامه‌لرنی یولگه قویگنلر.
اولر، آنلاین اورگه‌تیش برنامه‌لر یولگه قوییلیشینی مهم دیب، قیزلر یوزی گه مکتب‌لر آچیلیشینی طلب قیله‌دیلر.
راه دانش آنلاین اورگه‌تیش مرکز مسئولی حسنا روفی گه کوره: «آنلاین مکتب‌لر، اوقووچیلر نینگ ارتقاسی مقصدیده یولگه قوییلگن، حاضر بو مکتب نینگ ۱۷۰ اوقووچیسی بار، ۱۵ اوقیتووچی ۷_صنف دن ۱۲_صنف اصلی مضمون‌لرینی تیکین روشده تدریس قیله‌دیلر.»
بیزلرنینگ توییترده هم تعقیب قیلینگ!
آموزش آنلاین بانو مدیری حسین حیدری نینگ ایتیشیچه: «کابل، هرات، بغلان، بلخ ولایت‌لریدن آلتینچی صنف دن یوقاری ۱۰۰۰ دن آرتیق قیز اوقووچی اشتراک ایتگنلر و افغانستان معارفی نصابی اساسیده تدریس بوله‌دی.»
شونینگدیک، آنلاین اورگه‌تیش مرکزلر مسئوللریدن باشقه بیری گه کوره، اولکه یشاوچیلری فرزندلری تعلیم دن محروم قالمسلیگی اوچون پول توللب اولر گه اوقیش زمینه‌سینی یره‌تیش گه مجبورلر.
آنلاین اورگه‌تیش مرکز مسئولی روح‌الله نبی‌زاده نینگ ایتیشیچه: «هر کونی هر بیر اوقووچی گه مخصوص روشده بیر ساعت تدریس قیله‌من و چیکلاولر باعث آنلاین اورگه‌تیش مرکزلر گه قیز اوقووچیلر نینگ حضوری کوپه‌یگن و بو برنامه اونملی دیر.»
عین‌حالده، بیر یریم ییل دن بویان مملکت بویلب آلتینچی صنف دن یوقاری بیر میلیون دن آرتیق قیز اوقووچی مکتب باریش دن محروم بولگن.
