مملکت غرب حوزه‌سیده، باله‌لر فلجلیگی یا-ده پولیو گه قرشی ایملش کمپاینی، ایرته باشلنه‌دی.
اوشبو کمپاین ایرته (دوشنبه، ۳۰-اسد)، هرات، فراه، غور و بادغیس‌ده باشلنیب و اوچ کونگچه اوی‌مه-اوی شکلده دوام تاپه‌دی.
هرات ساغلیقنی سقلش مسئوللری نینگ ایتیشلریچه، اوشبو باسقیچ‌ده بیش یاشنی تولدیرمه‌گن قریب ۱ میلیون ۲۵۰ مینگ باله نینگ پولیو گه قرشی ایملنیشی ممکن.
بیزلرنینگ فیسبوک صحیفه‌میزگه باش اورینگ!
هرات ساغلیقنی سقلش ریاستی اورین‌باسری محمدآصف کبیر نینگ سلام‌وطندار گه ایتیشیچه: «کمپیاین برچه ولایت‌لرده تطبیق بوله‌دی. ایرته دوشنبه هرات ده باشلنه‌دی و بیش یاش نی تولدیرمه‌گن باله‌لر پولیو گه قرشی ایملنه‌دی. پولیو گه علاوه، ۲-۵ یاش باله‌لر اوچون قورت دارو‌سی هم ترقه‌تیله‌دی.»
او، برچه عایله‌لردن، پولیو گه قرشی ایملش خصوصیده ساغلیقنی سقلش ایشلاوچیلری بیلن همکارلیک قیلیب و باله‌لری نینگ پولیو گه قرشی ایملشلری نی ایسته‌گن.
شونده‌ی بیرحالده، هرات ساغلیقنی سقلش رئیسی محمدطالب شاهد نینگ ایتیشیچه، هرات ده پولیو گه قرشی ایملش اوچون برچه تیارگرلیک آلینگن دیر.
هرات ساغلیقنی سقلش رئیسی نینگ کوپهیتیریشیچه: «هرات ده بیش یاش قویی ۷۵۸ مینگ ۶۳۱ باله نینگ پولیو گه قرشی ایملنیشی گه قرار آلینگن.»
هرات یشاوچیلریدن قطاری، پولیو گه قرشی ایملش کمپاینی باشلنیشی‌دن خورسند‌لیک بیلدیریب، باله‌لری نینگ پولیو گه قرشی ایملنیشی اوچون ساغلیقنی سقلش مرکزلری و مسجد‌لر گه آلیب باریش خصوصیده تیاگرلیک‌لری نی بیلدیرگنلر.
هرات یشاوچیلریدن محمدشفیع لعلی نینگ ایتیشیچه: «پولیو گه قرشی باله‌سی نی ایملمه‌گن کیشی نینگ باله‌سی، باله‌لر فلج‌لیک کسل‌لیگی گه چلینیشی ممکن.»
بیزلرنینگ توییترده هم تعقیب قیلینگ!
هرات یشاوچیلریدن باشقه بیری غلام‌رسول نینگ ایتیشیچه: «بیر آته صفتیده، باله‌لریم نی واکسین قیلیب و کیله‌جکلری تضمین بولیشی خصوصیده، اوزیم نی مسئولی حس قیله‌من.»
گزارش‌لر اساسیده، سونگی ییل‌لرده مملکت غربی حوزه‌سیده هیچ بیر پولیو ایجابی واقعه‌سی ثبت بولمه‌گن.
شفاکارلر گه کوره، پولیو ویروسلی و درمان بولمه‌گن بیر کسل‌لیک بولیب، کوپراق بیش یاش نی تولدیرمه‌گن باله‌لر اوشبو کسل‌لیککه چلینه‌دی.
