اوتگن کون توش‌دن کیین، ساعت ۱۲:۴۰ اطرافیده مزارشریف شهری روضه شمالی‌ده «سه دکان» مسجدی ایچیده بیر پارتلش یوزبیردی. ایتیلیشچه، اوشبو مسجد شیعه‌لر گه تیگیشلی دیر.
منبع‌لر نینگ تاکید قیلیش‌لریچه، اوشبو پارتلش نتیجه‌سیده حاضرگچه ۳۰دن آرتیق کیشی هلاک بولیب و شونینگدیک ۸۰دن آرتیق کیشی ایسه مزارشریف حوزوی کسلخانهسی گه انتقال بیریلگن.
مذکور پارتلش مملکت ایچی و تشقی‌سیده کوپینچه عکسالعمللر بیلن روپه‌رو بولگن. خلق‌ارا کیچیریم تشکیلاتی‌ده افغانستان بولیم مسئولی سمیرا حمیدی، اوشبو هجوم گه عکس‌العمل کورستیب ایتگن که، تینچ اهالی اینیقسه هزاره‌لر نینگ اولدیریش، اقدام گه نیازی بار محکومیت گه ایمس.
او توییتر صحیفه‌سیده یازگن که: «تیزلیککه خلق‌ارا جماعه گه نیازی‌میز بار که اهالی‌دن محافظت قیلیش‌ده اسلامی امارت نینگ کفایت‌سیزلیگی نی جدی شکلده تیکشیره‌یلیک.»
بیزلرنینگ فیسبوک صحیفه‌میزگه باش اورینگ!
خلق‌ارا کیچیریم تشکیلاتی‌ده افغانستان بولیم مسئولی نینگ اورغولشیچه، افغانستان تینچ‌اهالی‌سی اینیقسه هزاره‌لر نینگ اولدیریلیشی توخته‌تیلسین. شونینگدیک او، هجوملر اینیقسه مزارشریف‌ده‌گی بیر مسجد گه اویویشتیریلگن بیر هجوم نی هزاره‌لر نینگ «نسل‌کُشلیگی» دیب و بو رقم هجوملر نینگ توختهتیلیشی نی سوره‌گن.
شونیدیک افغانستان‌ده بیرلشگن ملت‌لر تشکیلاتی نینگ اورین باسرلیک هیٲت دفتری یا_ده یوناما، اوتگن کون یوزبیرگن هجوملر نی قاره‌لگن. اوشبو نهاد توییتر صحیفه‌سیده یازگن که، تینچ اهالی گه قرشی سونگی هجوملر افغانستان‌ده خواطرلی بیر پروسه نی کورستهدی. یوناما کوپه‌یتیرگن که، مذکور هجوملر تیزلیککه توخته‌ب و اونینگ عامللری تیزلیککه قولگه آلینسین.
افغانستان بوییچه بیرلشگن ملت‌لر تشکیلاتی نینگ خاص گزارش‌گری ریچارد بنیت، مزارشریف‌ده شیعه‌لر مسجدی گه اویوشتیریلگن هجوم نی قارهلب ایتگن که، هزاره جماعه‌سی اینه بیر مرته قربان‌لیک بیردی. او مکتب‌لر و مسجدلر گه هدف‌لی هجوملر نینگ توختهتیلیشی و شونینگدیک اوشبو هجوم عامللری نینگ جوابگو قرار بیریشلیشی نی سوره‌گن.
شونده‌ی بیرحالده، مملکتلردن قطاری نینگ رسمی‌لری تینچ اهالی گه اویوشتیریلگن هجوم نی قاره‌لگن. ایران تشقی ایشلر وزیرلیگی سوزلاوچیسی سعید‌خطیب زاده، روزه‌لی نماز اوقووچیلر نینگ هدف قرار بیریش، اینیقسه مزارشریف شهریده یوزبیگن پارتلش‌ده اونلر بی‌گناه کیشی نینگ هلاک بولگنی و یره‌لنگنی نی زجرلی و خواطرلنتیرووچی دیگن.
شونینگدیک پاکستان باش‌وزیری شهباز شریف اوشبو هجوم نی قارهلب و ایتگن که، رمضان آیی‌ده شونده‌ی عمل نی انجام بیرگنلر، افغانستان و اسلام نینگ دشمی دیر.
بیزلرنینگ توییترده هم تعقیب قیلینگ!
شونگه علاوه، مملکت ایچیده سیاسی سیمالردن قطاری هم اوشبو هجوم نی قاره‌گن. افغانستان سابق جمهور رئیسی حامدکرزی، توییتر صحیفه‌سیده اوشبو پارتلش نی قارهلب و اونی اهالی، اسلام و انسانی ارزش‌لری گه قرشی دیگن. شونده‌ی بیرحالده، اسلامی امارت سوزلاوچیسی ذبیح‌الله مجاهد، اوتگن کون یوزبیرگن هجوملر نی قارهلب و بو ایش نینگ افغانی جماعه بیلن هیچ ارتباطی یوق دیگن.
مجاهد توییتر صحیفه‌سیده اورغولگن که، اوشبو جنایت عامللری تیزلیککه قولگه آلینیب و اولر بیلن قانونی یول باریلیشی ممکن.
مزارشریف‌ده سه دوکان مسجدی گه اویوشتیریلگن هجوم مسئولیتی نی اسلامی دولت گروهی یا_ده داعش بوینیگه آلگن و ۱۰۰دن آرتیق کیشی نینگ اولدیرگنی نی ادعا قیلگن.
شونده‌ی بیرحالده، اوتگن کون کابل، ننگرهار و قندوز هم پارتلش‌لر گه گواه ایدی و مذکور پارتلش‌لر نتیجه‌سیده، بیر قطار کیشی هلاک و یره‌لنگن.
