وزیرلر کینگشی نینگ ایکی کون‌لیک ییغیلیشی، اسلام امیرلیگی رهبری هبت‌الله آخوندزاده باشچیلیگی‌ده قندهار ده بولیب اوتگن. مذکور ییغیلیش دوشنبه، ۳۰-عقرب و سه‌شنبه، ۱-قوس، اوشبو ولایت‌ده سرپرست حکومت کابینه اعضاسی نینگ ییغیلیشی و ایچکی پالیسی‌لر گه اعتبار قره‌تیلیشی بیلن یولگه قوییلگن.
یشاوچیلر بیلن اسلام امیرلیگی کوچلری نینگ قنده‌ی یانده‌شووی، دولتی اداره‌لر آرقه‌لی خذمت‌لر ارائه‌سی، پاکستان دن قیتگن مهاجرلر قیین‌چیلیگی حلی، اسلام امیرلیگی اقتصادی هیئتی نینگ ایران گه قیلگن سفری تفصیلاتی و دنیا اینیقسه قوشنی مملکت‌لر بیلن سرپرست حکومت رابطه‌لری مستحکم‌لنیشی یوللری، مذکور ایکی کون‌لیک ییغیلیش‌ده صحبت قیلینگن اینگ اونملی موضوع‌لردن دیر.
بیزلرنینگ «ایکس» ترماغی ده هم تعقیب قیلینگ!
شووونده‌ی بیرحالده، اسلام امیرلیگی سوزلاوچیسی اورین‌باسرلریدن بلال کریمی نینگ سلام‌وطندار گه ایتیشیچه، اوشبو ییغیلیش‌ده سرپرست حکومت رهبری آرقه‌لی حکومت‌دارلیک نینگ یخشی‌لنیشی مقصد، مسئوللر گه بویروغ‌لر هم بیریلگن دیر.
اونینگ ایتیشچیه: «بو ییغیلیش‌ده امیرالمومنین، رسمی‌لر و کابینه اعضالریگه یخشی حکومت‌دارچیلیک و ایش‌لرگه تینیق‌لیک کیریتیش بوییچه بیرقنچه تکلیف‌لرنی بیردی.»
تشقی مملکت‌لر اینیقسه قوشنی و منطقه مملکت‌لر بیلن سرپرست حکومت رابطه‌لری مستحکم‌لنیشی اوچون یول‌لر اختریلیشی، اوشبو ییغیلیش‌ده صحبت قیلینگن باشقه موردلردن ایکن دیر که، مذکور رابطه افغانستان گه اسلام امیرلیگی نینگ قیته قدرت گه ایریشگنی‌دن ایکی ییل اوتگنی بیلن، حاضرگچه رسمی شکل نی آلمه‌ی و هیچ بیر مملکت اونینگ رسمیت گه تانیش اوچون حاضر بولمه‌گن دیر.
وزیرلر کینگیشی نینگ ییغیلیشی یولگه قوییلیش اهمیتی خصوصیده سیاسی مسئله‌لر بیلرمانی عزیز معارج نینگ ایتیشیچه: «بو ییغیلیش‌دن ترقه‌تیلگن موضوع‌لرگه قره‌گنده، بو یخشی بیر ییغیلیش ایکن، بیراق مهم نرسه بو که بو ییغیلیش‌گه آلینگن قرارلر قنچه‌لیک نظرگه توتیلیب و عملگه آشیریله‌دی.»
باشقه بیر تاماندن، سیاسی مسئله‌لر بیلرمانی محمود اضطرابی نینگ ایتیشیچه، حاضر افغانستان نینگ روپه‌ره بولگنی بحران‌لردن چیقیش یولی، بو کبی ییغیلیش‌لرده بحث قیلیش و سرپرست حکومت آرقه‌لی عملی آدیم‌لر آلینیشی گه نیازمند دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «بیر تاماندن اسلامی امیرلیگی‌نی باشقه مملکت‌لر رسمی تن آلمه‌گن، شوندی بیرحالده ایچکی ناراض‌لیک‌لر هم اسلام امیرلیگیدن کوپه‌یسه، اینقسه خلق اسلام امیرلیگی کوچلرینی یانده‌شوولریدن ناراض بولسه‌لر، قیینچیلیک‌لرنی تاباره کوپه‌یتیره‌دی.»
ایتیش کیرهک که، افغانستان ده اسلام امیرلیگی نینگ قیته قدرت گه ایریشگنی‌دن کیین، سرپرست حکومت رهبری قندهار ده استقامت قیلگن و مذکور ولایت‌دن اداری ایشلر نی انجام بیره‌دی؛ شونده‌ی بیرحالده، حاضرگچه اونینگ هیچ بیر ینگی صورتی ترقه‌تیلمه‌گن.
