قندهار ایکینچیلیک، سوغاریش و چاروه‌چیلیک ریاستی مسئوللری نینگ ایتیشلریچه، مذکور ولایت ده اوشبو ییل ۲۰ مینگ ۵۰۰ هکتار ییر ده اوزوم باغ‌لریدن ۲۷۳ مینگ تُن اوزوم حاصل آلیش‌لری ممکن.
قندهار ایکینچیلیک ریاستی نینگ ایکینچیلیک آمری شمس‌الرحمان موسا گه کوره: «قندهار ده ۲۰ مینگ ۵۰۰ هکتار ییرده اوزوم باغ‌لری بار، بو ییل اوشبو باغ‌لردن ۲۷۳ مینگ تُن اوزوم حاصل آلینیشی کوتیله‌دی. اوزوم باغ‌لری یخشی شکلده قوریقله‌نیشی اوچون اوزوم حاصلی کوپه‌یگن.»
قندهار ولایتی ژری، پنجوایی، دند و دامان تومن‌لریده کوپراق اوزوم باغ‌لری بولیب و مذکور تومن‌لر نینگ اهالیسی باغدارچیلیک ایشلری بیلن مصروف دیر.
اوشبو تومن‌لرده‌گی باغدارلر نینگ ایتیشلریچه، اوشبو ییل اوزوم یخشی حاصل بیرگن؛ بیراق اولر نینگ پاکستان و هندوستان گه محصولات‌لرینی صادر قیلیش دن باشقه بازارلری یوق، شونی اوچون محصولات‌لرینی آز نرخ ده صادر قیله‌دیلر.
بیزلرنینگ فیسبوک صحیفه‌میزگه باش اورینگ!
پنجوایی تومنیده تورت جریب ییرده ۶۰۰ تاک اوزومی بولگن عبدالرحمان گه کوره، اوشبو ییل موسومی یاغینچیلیک بولمه‌گن‌لیگی اوچون اوزوم یخشی حاصل بیرگن. او نینگ کوپه‌یتیریشیچه: «بو ییل اوزوم یخشی حاصل بیرگن. دولت یاردم بیرگن تقدیرده، اوزوم نی هر جای گه صادر قیلیشی‌میز ممکن. اوزوم نی هندوستان و دوبی گه صادر قیله‌میز؛ بیراق اوزیمیز صادر قیله آلمه‌یمیز، حکومت صادر قیلیشی کیره‌ک.»
قندهار ده‌گی باغدارلر نینگ ایتیشلریچه، اوتگن ییل‌لر گه قره‌گنده بو ییل اوزوم یخشی حاصل بیرگن. اولر نینگ کوپه‌یتیریشیچه، حکومت اوزوم صادراتی اوچون یالغیز پاکستان و هندوستان بازارلری گه سوینمسلیگی کیره‌ک؛ بلکه افغانستان اروپا و امریکا بازارلری گه اوزوم صادر قیلیش کوچی گه ایگه دیر.
ژری تومنیده اوزوم باغی بولگن خان‌جان گه کوره: «اوزوم یخشی حاصل بیرگن. اوزوم باشقه مملکت‌لر گه هم صادر ایتیلیشنی ایسته‌یمیز؛ حاضر یالغیز پاکستان و هندوستان گه صادر قیله‌یپمیز. حکومت دن باشقه مملکت‌لر گه هم صادراتیمیز بولیشنی ایسته‌یمیز.»
قندهار ده محصولات نی ساتیش اوچون مناسب بازار یوق‌لیگیگه علاوه، ساووقخانه یوق‌لیگی مذکور ولایت ده‌گی باغدارلر و میوه سوداگرلری نینگ اساسی قیینچیلیک‌لریدن سنله‌دی. اولر حکومت دن تازه میوه‌لرینی اسره‌ش اوچون ساووقخانه قوریب یا که هوایی دهلیزلرنی فعال قیلیشنی ایسته‌یدیلر.
قندهار ده تازه میوه سوداگری غلام‌نبی نینگ ایتیشیچه: «اوزوم موسومی، یخشی موسوم دیر؛ بیراق بو ییل باغ‌لرده اوزوم هم قیمت و پاکستان ده نرخی قویی دیر. اسره‌ش اوچون ساووقخانه قوریلیب و مناسبت وقتده باشقه مملکت‌لر گه صادر بولیشی کیره‌ک.»
قندهار ده تازه میوه‌لر اتفاقی مسئوللری نینگ ایتیشلریچه، هوایی دهلیز آچیلگن تقدیرده قندهار اوزومی باشقه مملکت‌لرده مناسب نرخ ده ساتیلیشی ممکن. اولر گه کوره، حاضر هوایی دهلیز آرقه‌لی صادرات ممکن‌سیز دیر و اوزوم حاصلاتینی ییر آرقه‌لی صادر قیلیش اوچون تلاش قیلماقده‌لر.
بیزلرنینگ توییترده هم تعقیب قیلینگ!
مذکور اتفاق باشلیغی نانی نینگ ایتیشیچه: «اوتگن ییلی روسیه گه انار صادر قیلگنیمیز کبی، بو ییل هم چیت ایل مملکت‌لر گه اوزوم صادر قیلیش اوچون تلاش قیله‌یپمیز، بیراق حاضر یالغیز پاکستان گه صادراتیمیز بار.»
برچه‌سی بیلن، قندهار سوداگرلیک اتاق‌لری مسئوللری نینگ ایتیشلریچه، محصولات‌لرینی صادر قیلیش اوچون قیینچیلیک یوق و اوزوم، ساووقخانه‌لری بولگن موترلر گه یوکله‌نیب صادر بوله‌دی.
قندهار سوداگرلیک اتاق‌لری اورین باسری عبدالباقی بینا نینگ ایتیشیچه: «اوتمیش ده هوایی دهلیز بار ایدی، مملکت‌لر یا که نهادلر یاردمی بیلن قوریلگن ایدی؛ بیراق دولت نینگ ییترلی امکانیتی یوق؛ شونی اوچون هوایی دهلیز آرقه‌لی صادر قیلیش ممکن‌سیز دیر. ییر آرقه‌لی یخشی صادراتیمیز بولیش گه امیدوار من.»
ایتیش کیره‌ک که، ۱۴۰۱_ییل ده قندهار دن سکیز میلیون ۹۹ مینگ ۴۶۰ دالرلیک ۱۵ مینگ ۲۸۰ تُن اوزوم، چیت ایل گه صادر بولگن.
