متقاعدلردن قطاری نینگ سلام‌وطندار گه ایتیشلریچه، اوچ ییل‌دن بیری تقاعد‌لری توللنیلیشی نی کوتیب تورگنلر؛ بیراق حاضرگچه حقلری نی قولگه کیلتیره آلمه‌گنلر.
ملی مدافعه وزیرلیگی‌دن تقاعد قیلگن افسر و ۴ کیشی‌لیک عایله سرپرستی بولمیش واحد نینگ ایتیشیچه، اوچ ییل‌دن بیری تقاعد حقلری توللنمه‌گنی سبب، یامان اقتصادی وضعیت‌ده قرار تاپگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، عایله خره‌جتی نی تأمین قیله آلمسلیک سبب، نیچه پیت آلدین اوزی نی آلاو بیرگن؛ بیراق قوشنی‌لری آرقه‌لی قوتقریلگن. اونگه کوره: «اوچ ییل بوله‌دی که تقاعد قیلگن‌مین و عایله‌م نینگ نیازی نی کوپ قیین‌‌لیک بیلن تأمین‌له‌یمن. نیچه پیت آلدین عایله‌م نینگ نیازلری نی تأمین قیله آلمسلیک سبب، نیچه مرته اوزیم نی اولدیریش گه قصد قیلدیم و شونینگدیک نیچه پیت آلدین ۲ بجه کیچه اوزیم نی آلاو بیردیم که قوشنی و اهالی کیلیب و نیگه بو رقم بیر ایش نی قیلدینگ دیدیلر.»
سوو و برق وزیرلیگی‌ده ۳۹ ییل ایشلب و تقاعد قیلگن ایشلاوچیلردن محمد داوود نینگ ایتیشیچه، اوچ ییل‌دن بیری تقاعد حقی نی قولگه کیلتیرمه‌‌گن.
او سرپرست حکومت‌دن حقلری توللنیلیشی نی ایسته‌یدی. «اوچ ییل‌دن بیری تقاعد حقیم نی قولگه کیلتیرمه‌گن‌مین. حکومت‌دن باشقه نرسه ایستمه‌یمیز یالغیر تقاعد حقیمیز نی ایسته‌یمیز.»
شونده‌ی بیرحالده، سرپرست حکومت سوزلاوچیسی ذبیح‌الله مجاهد نینگ سلام‌وطندار گه ایتیشیچه، متقاعدلر حقلری نینگ توللنیش طرحی اسلام امیرلیگی رهبری گه تصدیق‌لنیش اوچون یوباریلگن دیر و تصدیق‌لنگنی‌دن کیین متقاعدلر حقلری نینگ توللنیلیشی ممکن.
بیزلرنینگ «ایکس» ترماغی ده هم تعقیب قیلینگ!
جناب مجاهد نینگ کوپه‌یتیریشیچه: «متقاعدلر موضوع‌سی تیزلیککه حل بوله‌دی و طرح تصدیق‌لنیش اوچون یوباریلگن دیر و تصدیق‌لنگنی‌دن کیین، متقاعدلر حقلری توللنیله‌دی و انشاءالله تیزلیککه توللنیلیشی خصوصیده ایشانچی‌میز بار.»
ایتیش کیره‌ک که، مالیه وزیرلیگی آرقه‌لی متقاعدلر حقلری توللنیش طرحی بیر ییل‌دن بویان تیارلنیب و اسلام امیرلیگی رهبری گه تصدیق‌لنیش اوچون یوباریلگن دیر، بیراق حاضرگچه اوشبو طرح تصدیق‌لنمه‌گن.
