اوروش شدت‌لنگنی و تومنلر کیین‌مه‌کیین طالبان قولیگه سقوط قیلگنیدن کیین، طالبان نظارتلریدهگی منطقه‌لرده بو گروه تامانیدن عیاللر و قیزلر اوچون قانون یره‌تیلگنیدن قطار گزارشلر نشر ایتیلگن. مذکور خبرلر نشر ایتیلگنیدن کیین، نماینده‌لر کینگشی بوگون بو موضوع حقیده عکس‌العمل کورستگن.
سکینه نینگ ایتیشیچه، طالبان گروهی منطقه‌لریده حاکم بولگنیدن سونگ، محرمی بولمه‌گن عیال‌نی بازار باریب نیازلرینی تامین‌لشی‌گه رخصت بیرمه‌یدی. اونینگ کوپه‌یتیریشیچه، محرمی بولمه‌گن عیاللر کسل بولگن صورتده، ساغلیک مرکزگه هم باره آلمه‌یدیلر.
دولتی اداره‌لر فلج بولگن و طالبان تامانیدن هیچ‌قنده‌ی خذمت ارایه ایتیلمه‌یدی.
تخار یشاوچی‌لری نینگ ایتیش‌لریچه، طالبان عیاللرگه چیکلاو یره‌تیش گه علاوه، بو مرته فوتبال قیله‌دیگن ییگیت‌لردن سپورت کییم‌لری نینگ کییش‌دن واز کیچیب و کویلک بیلن سپورت قیلیش‌لرینی سوره‌گن.
اوروش میدانی گه بارگن قندهار حاکمی روح‌الله خان‌زاده و بو ولایت پولیس قومندانی محمدسالم احساس خبرچیلر بیلن صحبت اوتکزیب ایتیش‌لریچه، بوگون ایرته‌لب قندهار شهری و بو ولایت مرکزی قماقخانه‌سی نینگ نظارت گه آلیش هجوم اویوشتیرگن طالبان جنگریلری شهردن تشقری هیدلگن.
آمریکا جمهوررئیسی جو بایدن نینگ ایتیشیچه، افغانستان حکومتی سقوط قیلمه‌یدی و تیزیم نی سقلش اوچون ییترلیچه حربی و حربی جهازلر بار دیر. جناب بایدن، اوتگن کیچه آق سرای ده یولگه قویگن خبری بیر ییغینده بونده‌ی بیانات بیرگن. آمریکا جمهوررئیسی بیر خبرچی نینگ سوراغی گه جواب قیتریب ایتیشیچه، افغانستان حکومتی نینگ ۳۰۰ مینگ قوراللی حربیسی بار، بیراق طالبان جنگریلری نینگ سانی ۷۵ مینگ کیشی گه ییتیشه‌دی.
افغانستان دولتی و طالبان گروهی نینگ تینچلیک هیأت‌لری، افغانستان تینچلیک پروسه‌سی خصوصیده سوزلش اوچون تهران سفر قیلگن ایدی. اوشبو هیأتلر ایکی کون (چهارشنبه و پنج‌شنبه) سوزلشگندن کیین بوگون بیر اعلامیه ترقه‌تیب و ایتیش‌لریچه، اوروش ییچیم یول ایمس و سیاسی و تینچ ییچیم یول اوستیگه توجه قیلینیشی کیره‌ک.
آمریکا تشقی ایشلر وزیرلیگی تهران ده افغانستان دولت نماینده‌لری و طالبان هیأتی دن میزبانلیک بولگنینی خوش قرشی‌لب و ایتیشیچه، بونده‌ی اقدام‌لر افغانستان کیله‌جگی اوچون یخشی تمام بولیشی ممکن. ایران اوتگن کون افغانستان سیاسی سیمالری و طالبان گروهی هیأتی گه میزبان ایدی.
افغانستان دولتی نینگ نماینده‌لری و بو مملکت سیاسی سیمالریدن قطاری، شیرمحمد عباس استانکزی ییتکچیلیگده طالبان هیأتی بیلن تهران ده اوچره‌شگن. مذکور اوچره‌شوو ایران تشقی ایشلر وزیری محمدجواد ظریف نینگ حضوری بیلن صورت تاپگن.
بادغیس حاکمی حسام‌الدین شمس نینگ سلام‌وطندارگه ایتیشیچه، بو ولایت برچه تومنلری طالبان قولیگه سقوط قیلگن و بو گروه جنگریلری بادغیس مرکزی قلعه‌نو شهری گه داخل بولگن. شونینگدیک بادغیس ولایتی کینگش باشلیغی عبدالعزیز بیک نینگ سلام‌وطندارگه ایتیشیچه، بو ولایت برچه تومنلری طالبان قولیگه سقوط قیلگنیدن کیین، حاضر مذکور گروه جنگریلری اوزلرینی اوشبو ولایت مرکزی قلعه‌نو شهری گه ییتیشتیرگن.
بدخشان ولایتی کینگش عضوی طلب‌الدین قادری نینگ سلام‌وطندارگه ایتیشیچه، اوشبو ولایت نینگ واخان، زیباک، اشکاشم و شغنان تومن‌لریده آتیشمه یوز بیرمه‌گن و طالبان جنگریلری تومن‌گه کیلمسدن آلدین امنیتی کوچلر مذکور تومن‌لرنی ترک قیلگن‌لر.
افغانستان ده بیرلشگن ملتلر تشکیلاتی نینگ اورین‌باسرلیک هیأت دفتری یا یوناما نینگ اعلام قیلیشیچه، تینچلیک سوزلشوولری حقیقی بولیشی کیره‌ک و شونینگدیک اوروش نی یکونلنتیره‌دیگن و افغانستان اهالیسی گه امید بیره‌دیگن یالغیز یول صفتیده اولویت گه قرار تاپیشی کیره‌ک.
تخار ولایتیدن محلی بیرمنبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، طالبان گروهی مملکت ملی قهرمانی احمدشاه مسعود نینگ فرخار تومنی‌نی چمن خسده منطقه‌سیده حکاکلیک ایتیلگن تصویرینی سیندیریب و پارچه‌لگن.
فاریاب نینگ برچه تومن‌لریده طالبان حاکمیتی کینگه‌یگنی باعث، مذکور گروه اوشبو تومن یشاوچی‌لری اینیقسه عیاللریگه ینگی چیکلاولر یره‌تگن. فاریاب ولایتی کینگش اعضاسی آق‌محمد نوری نینگ سلام‌وطندارگه ایتیشیچه، طالبان نینگ ینگی بویروغی اساسیده، شرعی محرمی بولمه‌گن عیاللر اویدن چیقه آلمه‌یدی.
بدخشان ولایتیدن امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، اوشبو تومن‌لرده جایلشگن امنیتی کوچلردن بیرقطاری طالبان گروهی‌گه تسلیم بولگن و باشقه بیرقطاری ایسه بدخشان مرکزی و قوشنی تومن‌لرده جایلشگن‌لر.
منبع نینگ کوپه‌یتیریشیچه، بدخشان ولایتی نینگ راغستان تومنیده امنیتی کوچلردن کمیده ۱۰۰ ته‌سی طالبان قمراویگه قرار تاپگن.
جوزجان ولایتی کینگش اعضالری نینگ ایتیش‌لریچه، طالبان گروهی جوزجان ولایتی نینگ آقچه تومنیده بنگی‌وار ماده‌گه چلینگن کیشی‌لرنی توپله‌ب بلخ ولایتیگه سورگون ایتگن.
جوزجان ولایتی کینگش عضوی بسم‌الله ساحل نینگ ایتیشیچه، اوشبو ولایت نینگ آقچه تومنیده بنگی‌وار ماده ساتیله‌دیگن دکان‌لر و سرای‌لر طالبان تامانیدن باغلنگن.
کابل بوییچه آمریکا ایلچی‌خانه‌سی سرپرستی راس ویلسن نینگ ایتیشیچه، بیرقطار تومن‌لردن طالبان گروهی نینگ میدیالر اوستیگه قیلگن هجوم‌لریدن نشر ایتیلگن گزارشلر خواطرلنترووچی دیر. راس ویلسن اوشبو مطلب‌نی بوگون “جمعه” توییتر صحیفه‌سیده یازگن. اونینگ ایتیشیچه، طالبان نظارتی‌گه اوتگن تومن‌لرده اوشبو گروه جنگریلری نینگ محلی میدیالر اوستیگه قیلگن هجوم‌لری خواطرلنترووچی دیر.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
