ننگرهار ده تحصیل قیلگن ییگیت‌لردن قطاری، ایشسیزلیکدن شکایت قیلیب و سرپرست حکومت‌دن ایش فرصت‌لری یره‌تیلیشی نی ایسته‌گنلر. اولر نینگ ایتیشلریچه، ایش فرصت‌لری یره‌تیلمه‌گنی صورت‌ده، ییگیت‌لردن کوپ قطاری نینگ مهاجرت قیلیش گه مجبور بولیشی ممکن.
اوشبو کون‌لر غزنی شهری نینگ هیچ بیر سرکی، عایله‌لری نینگ احتیاج‌لرینی تامینلش اوچون سعی-حرکت قیله‌یاتگن قول اوستیده سودا ساته‌دیگنلردن خالی ایمس، بیراق بازار کسادلیگی ساعتلرچه ایسیق و ساووق هواده سرکلرده کوتیشدن سونگ، اولر نینگ اونچه‌لیک درآمد قیله آلمسلیگی گه سبب بولگن.
بدخشان ده ییگیت‌لردن قطاری اوشبو ولایت‌ده ایش زمینه‌سی یوقلیگی‌دن شکایت قیلیب و سرپرست حکومت‌دن اولر گه ایش زمینه‌سی یره‌تیلیشی نی ایسته‌گنلر.
افغانستان ده یوز بیرگن سوو تاشقین‌لردن زیان کورگنلر وضعیتی خصوصیده خلق‌ارا خواطرلر بیلن بیرگه، غور و بغلان ده سوو تاشقینلریدن زیان کورگنلر آزیق-آوقت، ایچیم‌لیک سوو و باش‌پنه امکانیت‌لریگه قول تاپه آلمسلیکدن شکایت قیلیب و ایتیشلریچه، مسئول نهاد‌لر اولر گه یاردم بیرمه‌گن.
بدخشان نینگ تشکان، کوهستان، تگاب، درایم و وردوج تومن‌لریده یوز بیرگن سونگی سوو تاشقینلریدن زیان کورگنلردن قطاری، یاردم‌لر ترقه‌تیلیش جریانی سُست‌لیگیدن شکایت قیلیب و ایتیشلریچه، مذکور ولایت‌ده سوو تاشقین‌لری یوز بیرگنی‌دن نیچه کون اوتگنی بیلن یالغیز چادر و نیچه ته ایدیش قولگه کیلتیرگنلر.
بوگون (چهارشنبه، ۱۲-ثور/ ۱-می)، خلق‌ارا ایشچی کونی‌گه ماس دیر. بوگون نینگ ییتیب کیلیشی بیلن بیرگه افغانستان ده ایشچیلر اوشبو مملکت‌ده ایشلاوچیلیک حقوقی رعایت ایتیلمسلیگی‌دن شکایت قیلگنلر.
کنر ولایتی نینگ اوزاق تومن‌لریده‌گی چاروه‌دارلردن قطاری قوروق‌چیلیک و چاروه‌لری نینگ باقیش اوچون ییلاو آزلیگیدن شکایت قیلیب ایتیشلریچه، سونگی اوچ ییل جریانیده‌گی قوروق‌چیلیکلر و سووتاشقین‌لر مذکور تومن‌لرده‌گی قریب برچه ییلاو نی اورته‌دن کیتکزیب و چاروه‌لریگه زیان ییتیشتیرگن.
پروان و پنجشیر ده عیال کسل‌لردن قطاری، تیش کسل‌لیگی بولیمی‌ده طبی امکانیت آزلیگیدن شکایت قیلیب ایتیشلریچه، اوشبو ایکی ولایت نینگ ولایتی کسل‌خانه‌لریده طبی امکانیت‌لردن فایده‌لنه آلمسلیکلری سبب، تیش‌لرینی توزه‌تیش و دوالش اوچون خصوصی کسل‌خانه‌لر گه مراجعت قیله‌دیلر.
کابل شهری‌ده دولتی کسلخانهلردن قطاری‌ده‌گی کسل‌دارلر، دارو کم‌لیگی اینیقسه تخصصی دارو‌لر کم‌لیگی‌دن شکایت قیلیب ایتیشلریچه، نیازلری بولگن دارو‌لر نی یوقاری قیمت بیلن کسلخانهلردن تشقی‌ده‌گی خصوصی دارو‌خانه‌لردن ساتیب آلیش گه مجبورلر.
کابل شهری سرای شمالی‌ده کیم‌لیک توزیع قیلیش مرکزی گه مراجعت قیلگنلردن بیرقطاری نینگ ایتیشلریچه، الکترونیکی کیم‌لیک‌لرینی اصلاح قیلیش و ینگی‌لشتیریش اوچون، اوشبو مرکز نینگ ایشی سُست‌لیگی طفیلی هفته‌لر و آی‌لر کوتیش گه مجبورلر بولگنلر. اولر گه کوره، بو مرکز ده درخواستی‌لرینی کوریب چیقیش مدتی چوزیلیشی طفیلی مینگلب افغانی خرچ‌لری کوپه‌یشی گه سبب بولگن.
بلخ ده خبرچیلردن قطاری نینگ ایتیشلریچه، اوشبو ولایت محلی مسئوللری نینگ تلویزیون و رادیو‌لر بیلن ایکی‌خیل یانده‌شووی، نیاز پیتده معلومات گه قول تاپه آلمسلیککه سبب بولگن.
بغلان یشاوچیلریدن قطاری، اوشبو ولایت‌ده ییگولیک ماده‌لر قیمتی یوقاریلیگی‌دن شکایت قیلیب ایتیشلریچه، یشاوچیلر ییگولیک ماده‌لر نی ساتیب-آلیش گه کوچی ییتیشمه‌یدی.
غزنی ولایتی باشقه قیین‌چیلیک‌لر یانیده، اوقووچیلر اوچون مکتب یوقلیگی و مکتب‌لر نینگ بناسیزلیک قیین‌چیلیگی بیلن هم روپه‌ره دیر. اوشبو ولایت مرکزی و تومن‌لریده‌گی یشاوچیلر و اوقیتوچیلردن قطاری، مکتب‌لر نینگ بناسیزلیگی‌دن شکایت قیلیب و بو توغریده سرپرست حکومت نینگ برنامه‌سیزلیگی‌دن تنقید قیله‌دیلر.
سونگی کون‌لر ایران و پاکستان دن مملکت گه قیتریلگن قاچقین‌لردن قطاری، حیات قیینچیلیکلری و ایش زمینه‌سی یوقلیگی‌دن شکایت قیله‌دیلر. شونده‌ی بیرحالده، نیچه آی آلدین ایران و پاکستان دن مملکت گه قیتریلگن قاچقین‌لردن عبدالرحمان و فیروز نینگ ایتیشلریچه، حاضرگچه ایش تاپه آلمه‌گنلری سبب، قیین‌چیلیک بیلن روپه‌ره بولیب و حیات خره‌جتلری نی تامینلش گه کوچلری ییتیشمه‌یدی.
افغانستان نینگ بیر قطار اوزاق منطقه‌لر یشاوچیلری، حیات کیچیره‌دیگنلری منطقه‌ده ملکه‌لی شفاکارلر و جهازلنگن کلینیک‌لر یوقلیگی‌دن شکایت قیلیب ایتیشلریچه، کسل‌لری نینگ درمانی مرکزلر گه انتقال بیریش اوچون کوپینچه یول یوریب و کوپینچه پول صرف‌لش گه مجبورلر.
اوزبیکستان دن وارداتی برق نینگ ۵۰ فایزی کمه‌یشی و ۱۰دن آرتیق ولایت‌ده برق پرچاوی‌سی کوپه‌یشی بیلن بیرگه، کابل، غزنی و لوگر ولایت‌لریده صناعتچیلر و کسبه‌کارلردن قطاری نینگ ایتیشلریچه، برق یوقلیگی اولر نینگ تولید و درآمدلری میزانی نی کمه‌یتیرگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
