۱۴۰۲_تحصیلی ییل باشلنگنیدن بیر آی اوتماقده؛ بیراق حاضرگچه بدخشان نینگ اوزاق تومن‌لریدن اوشبو ولایت بیلیم یورتی گه یول تاپگن طلبه‌لردن قطاری نینگ ایتیشلریچه، یاتاق‌خانه ده جذب بولیش پروسه‌سی تینیق بولمسلیگی سبب، بدخشان مرکزی فیض‌آباد شهری‌ده کرایی و معیارسیز اوی‌لرده حیات کیچیریش گه مجبور بولگنلر.
سلام‌وطندار بیلن صحبت اوتکزگن «صدای بانوان» رادیوسی مسئولی نجلا شیرزاد، مذکور رادیو بدخشان معلومات و مدنیت ریاستی مسئوللری تامانیدن یاپیلگنینی تصدیقله‌گن. خانم شیرزاد گه کوره، اولر هیچ قنده‌ی موسیقه نشر قیلمه‌گن و یاپیلیش دلیلینی بیلمه‌یدیلر.
حادثه‌لر گه ییتیشیش بوییچه دولت وزیرلیگی نینگ ایتیشیچه، اوتگن بیر آی‌ده اوروش‌لر جریانیدن پارتلمه‌ی قالگن ماده‌لر نینگ پارتلشی عاقبتیده افغانستان بویلب ۳۰ کیشی هلاک بولگن که، اولردن کوپینچه‌سی نینگ باله‌لر تشکیل بیره‌دی.
دایکندی رسمی‌لری، اوشبو ولایت نینگ شهرستان تومنیده بیر موتر قولشی عاقبتیده بیر عیال شامل ایکی کیشی هلاک بولیب و باشقه سکیز کیشی یره‌لنگنیدن خبر بیرگنلر.
کابل یشاوچیلریدن قطاری بازار‌لرده سبزه‌وات اینیقسه پیاز نرخی یوقاری‌لیگی‌دن شکایت قیلیب و ایتیشلریچه، بیر سیر پیاز ۶۰۰ افغانی ساتیله‌دی که کمبغل‌لیک سبب، یشاوچیلر نینگ کوچی ییتیشمه‌یدی.
بدخشان ده محلی منبع‌لر نینگ سلام‌وطندار گه ایتیشلریچه، اوشبو ولایت نینگ تگاب تومنیده، باله‌لر آره‌سیده قول بمبی پارتلشی عاقبتیده ایکی باله هلاک بولیب و باشقه بیش باله یره‌لنگن. منبع‌لر نینگ کوپه‌یتیریشیچه، مذکور واقعه چهارشنبه کونی، ۲ حمل، تگاب تومنی «شهیدکان» قیشلاغیده باله‌لر نینگ آیسکریم ساتیب آلیشی پیتیده یوز بیرگن.
بدخشان محلی مسئوللری نینگ ایتیشلریچه، بوگون (دوشنبه، ۲۹ حوت) توش دن آلدین، اوشبو ولایت نینگ یفتل پایان تومنی «گزانک» قیشلاغیده ایکی کانچی، مذکور تومن نینگ «سنگ‌آب» منطقه‌سی ایش محلی گه باریش چاغیده سوو گه چوککن‌لر.
بدخشان معلومات و مدنیت ریاست رئیسی معزالدین احمدی نینگ ایتیشیچه، اوشبو ولایت یاوان تومنی نینگ «قطاربید» قیشلاغیده، ایش جریانیده آلتین کانی نینگ قوللشی نتیجه‌سیده، ایکی کانچی اولیب و باشقه بیر کانچی ایسه یره‌لنگن.
بدخشان محلی مسئوللری، اوشبو ولایت ده بیر خودکش هجوم آلدی آلینگنیدن خبر بیره‌دیلر. بدخشان معلومات و مدنیت باشلیغی معزالدین احمدی نینگ ایتیشیچه، بوگون (شنبه، ۶ حوت) ایرته‌لب ساعت ۸:۳۰ اطرافی ده، بدخشان مرکزی فیض‌آباد شهری ده کابل بانک ایشیگی یقینیده بیر خودکش هجومچی، مقصدی گه ایریشمسدن آلدین اسلام امیرلیگی کوچلری تامانیدن یوق ایتیلگن.
بدخشان ده قار کوچیشی عاقبتیده، تورت کیشی هلاک بولگن. بدخشان معلومات و مدنیت ریاست رئیسی معزالدین احمدی نینگ سلام‌وطندار گه ایتیشیچه، مذکور واقعه پنج‌شنبه کونی ۴-حوت، اوشبو ولایت ارغنج‌خواه تومنی نینگ «تاق ارچه شیوه» قیشلاغیده یوز بیرگن.
بدخشان ده محلی منبع‌لر نینگ سلام‌وطندار گه ایتیشلریچه، پنج‌شنبه کیچه، ۲۷ دلو، ساعت ۱۰:۴۷ اطرافی ده، اوشبو ولایت مرکزی فیض‌آباد شهری و قطار تومن‌لریده زلزله یوز بیرگن. امریکا زمین‌شناس‌لیک اداره‌سی گه کوره، اوشبو زلزله مرکزی بدخشان مرکزی فیض‌آباد شهری بولگن. مذکور اداره نینگ کوپه‌یتیریشیچه، ۴.۷ درجه ریشترلیک مذکور زلزله ۶۰ کیلومتر چقورلیکده یوز بیرگن.
بدخشان معلومات و مدنیت ریاست رئیسی معزالدین احمدی، اوشبو ولایت شغنان تومنی نینگ محلی مسئوللریدن نقل قیلیب ایتیشیچه، مذکور واقعه سه‌شنبه کونی عصر چاغی شغنان تومنی نینگ «تبی نک» ساحه‌سیده یوز بیرگن. بدخشان معلومات و مدنیت ریاست رئیسی گه کوره، قار کوچیشی نتیجه‌سیده بیر تیل تانکری دریا گه قوللگن.
بدخشان محلی مسئوللری نینگ ایتیشلریچه، اوتگن کونی اوشبو ولایت یفتل تومنیده یاغگن قتیق یامغیر نتیجه‌سیده یشش بیر اوی نینگ سقفی چپه بولگن.
بدخشان محلی مسئوللری نینگ ایتیشلریچه، اوشبو ولایت نینگ راغستان تومنیده قار کوچیشی عاقبتیده، بیر عایله نینگ بیش اعضاسی اولیب و یره‌لنگن. بدخشان معلومات و مدنیت باشلیغی معزالدین احمدی نینگ سلام‌وطندار گه ایتیشیچه، اوشبو واقعه سه‌شنبه کونی، ۲۵ دلو، راغستان تومنی «خونیلر» قیشلاغیده یوز بیرگن.
بدخشان ده پنج‌شنبه کیچه، ۲۰ دلو، کوچلی قار یاغیشی باعث اوشبو ولایت مرکزی بیلن راغ‌ها، دروازها، شغنان و واخان تومن‌لری نینگ قتناو یولری یاپیلگن.
بدخشان ده محلی منبع‌لر نینگ سلام‌وطندار گه ایتیشلریچه، اوشبو ولایت‌ده یاش بیر قیز اوزینی اولدیرگن. منبع‌لر گه کوره، اوشبو واقعه سه‌شنبه کونی شام چاغی ۱۱ دلو، اوشبو ولایت نینگ راغستان تومنی «غوجان» قیشلاغیده یوز بیرگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
