سرپرست حکومت نینگ قدرت گه ایریشگنیدن قریب اوچ ییل اوتگنی بیرحالده؛ بیراق اوشبو حکومت حربی کوچلری حاضرگچه افغانستان نینگ هوایی حریمینی کنترول قیله آلمه‌گن. افغانستان هوایی حریمی خصوصیده نظارت بولمسلیک، نیچه مرته اوشبو مملکت هواسیده مملکتلر نینگ اوچووچی‌سیز اوچاقلری اوچیشی‌گه سبب بولگن.
ینگی‌لیکده سرپرست حکومت ملی مدافعه وزیرلیگی سرپرستی محمدیعقوب مجاهد نینگ ایتیشیچه، افغانستان هوایی حریمی نی کنترول‌گه آلیش اوچون سعی‌وحرکتلر نینگ دوامی بار.
بیزلرنینگ فیسبوک صحیفه‌میزگه باش اورینگ!
عین حالده، ایش بیرلرمانلر حکومت تامانیدن افغانستان نینگ هوایی حریمی کنترول بولینیشی نی بیر نیاز بیلیب و بو توغریده اسلام امیرلیگی نینگ کوپراق سعیوحرکتلری گه تاکید قیلگنلر.
بو توغریده حربی مسئله‌لری بوییچه ایش بیلرمان عزیز استانکزی نینگ ایتیشیچه: «ملی مدافعه وزیرلیگی هوایی قوت‌لری اینیقسه هوا گه تیگیشلی نرسه‌لرنی درست و منظم شکلده عیار قیلسه و او ییرده تهدید یوق و اولر بونینگ مدافعه‌سینی نظر گه آلیشلری کیرهک.»
مذکور ایش بیلرمانلر نینگ ایشانچی گه کوره، سرپرست حکومت افغانستان هوایی حریمی نقضی‌نی کوزه‌تیش اوچون هوایی رادار نینگ فعال قیلیش و شونینگدیک هوایی حریم نقضی آلدی آلینیشی اوچون هوایی مدافعه بولیمی جهازلنیشی خصوصیده کوپراق سعی‌وحرکت قیلیشلری کیرهک.
مذکور ایش بیلرمانلر افغانستان نینگ ناقولی اقتصادی وضعیتی، دنیا تامانیدن اسلام امیرلیگی نینگ رسمیت گه تانیلمسلیگی طفیلی سیاسی قیینچیلیکلر و شونینگدیک هوایی کوچلری بولیمی نینگ مسلکی‌لشتریش اوچون درست برنامه‌لر یوقالیگی، افغانستان هوایی کوچلری نینگ اساسی قیین‌‌چیلیکلریدن دیگنلر.
بو توغریده حربی ایش بیلرمانلردن طاهر یرغل نینگ ایتیشیچه: «جتی‌میز یوق؛ آوچی اوچاق‌لریمیز یوق؛ بولر اساسی نیاز بولگن نرسه‌لردن دیر. قوی راداری‌میز یوق؛ بولر گه ایگه بولیش قوی بیر بودجه گه نیازی بار.»
بیزلرنینگ «ایکس» ترماغی ده هم تعقیب قیلینگ!
شونینگدیک حربی ایش بیلرمانلردن باشقه بیری عبدالواحد طاقت نینگ ایتیشیچه: «بیر مملکت نینگ اف ۱۸، اف ۲۴ و اف ۳۵ جت‌لر گه ایگه بولیشی کیرهک که هوایی حریمی نی سقلسه و بولردن هم اونملی بولگن قوی رادار دیر که ایگه بولیشیمیز کیرهک.»
افغانستان هوایی حدودی نینگ آچیقلیگی، هر نیچه پیت‌دن کیین بیر مرته مملکتلر اوچووچی‌سیز اوچاقلری نینگ افغانستان هواسی‌گه اوچیشی گه سبب بولگن که بعضا سرپرست حکومت هم اونینگ تصدیق‌له‌گن.
