هوا‌نینگ ساووق بولیشی بیلن بیرگه، کابل و بیر قطار ولایت‌لرده‌گی نیازمند کیشی‌لر‌نینگ ایتیشلریچه، آزیق-آوقت بیلن یاقیلغی ماده‌لر‌نینگ تامین قیله آلمه‌یدیلر.
غزنی یشاوچیسی نازو‌نینگ ایتیشیچه، حاضرگچه ییتیب کیله‌دیگن قیش موسومی اوچون هیچ نرسه آلالمه‌گن. اونینگ کوپه‌یتیریشیچه: «هیچ نرسه‌میز یوق. کون بویی ایشله‌یمن و کوپ قیین بیر شکلده باله‌لریم‌نینگ نفقه‌سینی قولگه کیلتیره آله‌من. قیش ییتیب کیلماقده و بو بیزلرنی خواطرلنتیرگن.»
بیزلرنینگ فیسبوک صحیفه‌میزگه باش اورینگ!
ییتی کیشی‌لیک عایله سرپرستی بولمیش غور یشاوچیسی عبدالکبیر‌‌نینگ ایتیشیچه، عایله نیازلرینی تامینلش اوچون باله‌لری‌نینگ سرک‌لرده ایشلماققه یوباریش‌گه مجبور دیر. «بیل‌دن فلج‌مین و ایش قیله آلمه‌یمن؛ باله‌م ۱۴ یاشر و مکتب‌دن چیقردیم. سرک‌لرده سبزه‌وات ساته‌دی. کونده ۱۰۰ افغانی درآمدی بار که او پول بیلن یاقیلغی ماده ساتیب آلالمه‌یمیز.»
باشقه بیرتاماندن، افغانستان ده بیرلشگن ملتلر تشکیلاتی نینگ انسان‌پرورلیک یاردم‌لرنی هماهنگ قیلووچی دفتری (اوچا) نینگ اعلام قیلیشیچه، افغانستان ده ۲۳ میلیون ۷۰۰ مینگ کیشی، انسان‌پرورلیک یاردملر گه نیازی بار که اولر ارا، ۹ میلیون ۲۰۰ مینگ ته‌سی باله‌لر دیر.
مذکور نهاد، ۷-قوس، چهارشنبه کونی اوز وبسایتی‌گه بیر بیانیه ترقه‌تیب یازیشیچه، آزیق-آوقت ناتینچ‌لیگی، توییب آوقت‌لنمسلیک، طبیعی واقعه‌لر، ایچکی مهاجرت‌لر، یوقمه کسل‌لیک‌لر ترقه‌لیشی و عیاللر ایرکین‌لیگی گه قرشی چیکلاو‌لر یره‌تیلگنی، بشری وضعیت‌نی قیینچیلیکلر بیلن روپهره قیلگن.
بیزلرنینگ «ایکس» ترماغی ده هم تعقیب قیلینگ!
کابل‌نینگ سرک‌لریده قول اوستیده سودا ساته‌دیگن ۱۳ یاشر عبدالله گه کوره، ایشلش بیلن عایله نیازلرینی تامینلش اوچون سعی‌وحرکت قیله‌دی. «ایرته‌لب ساعت ۱۰ دن کیچه ۱۰ گچه ایشله‌یمن؛ سقیز ساته‌من؛ آته‌م هم کونده بنا‌لرده ایشله‌یدی و قریب ۴۰۰ افغانی درآمدی بار؛ بیراق عایله‌لری نیازلرینی تامین قیله آلمه‌یدی، انه شوو سبب مین هم ایشله‌یمن.»
بوندن آلدین بیرلشگن ملتلر تشکیلاتی‌نینگ انسان‌پرورلیک یاردم‌لرنی هماهنگ قیلووچی دفتری، افغانستان ده نیازمند کیشیلر گه یاردم بیریش اوچون نیاز بولگن بودجه‌دن ۲۰ فایزی تامین‌لنگنی نی ایتگنی بیرحالده، بو نهاد اوچ میلیارد‌دن آرتیق دالر گه نیازی بار.
