آمریکا جمهور رئیسی جو بایدن نینگ افغانستانده یوز بیرگن واقعه خصوصیده ایتیشیچه، افغانستان سیاسی رهبرلری اوروش‌نی قوییب مملکت دن قاچیب کیتگنلر.
اونینگ ایتیشیچه، افغانستان اردوسی نابود ایتیلدی و اردو عضالری اوروش مسدن تسلیم بولدیلر و بو واقعه کوتیلمه‌یدیگن پیت‌ده یوز بیردی.
آمریکالیک دیپلماتلر تینچ بیر شکلده چیقیشی اوچون، اوچ مینگ آمریکالیک حربیلرنینگ بیرینچی گروهی کابل کیلیب و بو شهرنینگ قونالغه‌سیده جایلشگن. کیلگوسی بیر یا ایکی کون گچه افغانستان گه کیله‌دیگن حربیلرنینگ کیلیشی‌دن مقصد، آمریکالیک و دیپلماتلر و اولرنینگ افغان همکارلری نینگ چیقاریش پروسه‌سینی تیزلشتیریش دییلگن.
رویترز خبرگزارلیگی ترکیه مدافعه وزیرلیگیدن نقل قیلیب گزارش بیرگن که، کابل قونالغه‌سی تعطیل بولگن صورتده، مملکتلرنینگ دیپلماتیک نماینده‌لرینی بوتونلی چیقیشی نی احتمالی بار. اونینگ ایتیشیچه، شو یوزه‌دن ترکیه بو قونالغه نینگ آچیق قالیشی اوچون سعی و حرکت قیلماقده.
آمریکا جمهوررئیسی جو بایدن نینگ ایتیشیچه، افغانستان ده حاضر هم وضعیت اوزگریشی و طالبان نینگ مغلوب بولیشی نینگ امکانی بار و افغانستان رهبرلری بیر بولیب و بو مملکت امنیتی و مدافعه کوچلری اوزلری و ملت‌لری اوچون کوره‌شیش‌لری کیره‌ک. آمریکا جمهوررئیسی اوتگن کون خبری بیر ییغینده بونده‌ی بیانات بیرگن.
مملکت ایچکی ایشلر وزیرلیگی نینگ بیر خبرنامه آرقه‌لی ایتیشیچه، پاکستان حکومتی افغانستان نینگ اسلام‌آباد ده‌گی ایلچیسی نجیب‌الله علی‌خیل نینگ قیزی سلسله علی‌خیل نینگ اوغیرله‌نیش قضیه‌سی حقیده یاردم بیرمه‌ی و بوتون معلومات‌لرنی افغانستان هیاتی بیلن شریک قیلمه‌گن.
جمهورلیک ریاستی بیر اعلامیه ترقه‌تیب اعلام قیلیشیچه، ایران جمهوررئیسی سیدابراهیم رئیسی، جمهوررئیس محمداشرف غنی بیلن اوچره‌شیب و مذکور مملکت تشقی سیاستی ده افغانستان نینگ خاص اورنی بار دیگن.
آمریکالیک ییریک بیر دیپلمات سلام‌وطندار بیلن اوتکزگن خاص سوزلشووده ایتیشیچه، طالبان قیشلاقلر و تومن‌لرنی نظارتگه آلگن بیرحالده، افغانستان تینچلیککه ایریشیشی اوچون واشنگتن سعی و حرکتدن قول تارتمه‌یدی.
اونینگ ایتیشیچه، تینچلیک سوزلشوولری نینگ تیزلشتیریش اوچون، کیله‌جک هفته قطر ده بیر ییغین یولگه قوییلیشی ممکن.
مملکت تشقی ایشلر وزیرلیگی بوگون بیر اعلامیه ترقه‌تیب ایتیشیچه، اسلام‌آباد بوییچه افغانستان ایلچیسی نجیب‌الله علی‌خیل نینگ قیزی سلسله علی‌خیل نینگ اوغیرلنگنی توغریسیده، پاکستان ایچکی ایشلر وزیری شیخ رشیداحمد نینگ بیاناتی نی «نامسلکی و وقت آلدین قضاوت قیلیش» دیگن.
افغانستان ده استرالیا، دانمارک، چک، اتحادیۀ اروپا، آمریکا، بریتانیا، جاپان، جنوبی کوریا و ناتو ملکی نماینده‌سی نینگ دفتری قوشمه بیر اعلامیه ترقه‌تیش بیلن، طالبان گروهیدن حربی عملیات‌لری نینگ تیزلیککه توخته‌تیش‌لرینی سوره‌شگن.
اوشبو اعلامیه ده کیلیشیچه، طالبان نینگ حربی عملیاتی سوزلشوو یولیدن افغانستان قیینچلیکلری نینگ حل قیلیش خصوصیدگی سعی و حرکتلرنی ناکام قیلیگن.
بوگون “پنجشنبه” افغانستان بوییچه ساغلیق‌نی سقلش وزیرلیگی نینگ اعلان قیلیشیچه، اوتگن بیر کیچه و کوندوز ده کرونا ویروسی‌گه شبهه‌لی ۳ مینگ و ۵۲۸ کیشی دن آلینگن نمونه‌لر سیناو دن اوتکزیلگن و بوجمله‌دن ۱۱۹۸ ته‌سی نینگ نتیجهسی ایجابی تانیلگن.
بوگون “سه‌شنبه” طالبان گروهی بیر اعلامیه ترقه‌تیش بیلن ترکیه حربی‌لری نینگ افغانستانده حضور تاپیش‌لریگه قرشی کیلگن‌لر. اعلامیه‌ده ایتیلیشیچه، ترکیه رسمی‌لری آمریکا ایسته‌گی اساسیگه حربی‌لرینی افغانستانده قالیشی‌گه قرار قیلگن.
حاضرگه‌قدر ترکیه حربی‌لری نینگ افغانستانده‌گی ماموریتی خصوصیده معلومات بیریلمه‌گن، لیکن کابل هوا قونالغه‌سی خوفسیزلیگی‌نی تامین‌لش مسوولیتی اوشبو حربی‌لرگه تاپشیریلگن.
بوگون “دوشنبه” افغانستان بوییچه ساغلیق‌نی سقلش وزیرلیگی نینگ اعلان قیلیشیچه، اوتگن بیر کیچه و کوندوز ده کرونا ویروسی‌گه شبهه‌لی ۳ مینگ و ۶۰۳ کیشی دن آلینگن نمونه‌لر سیناو دن اوتکزیلگن و بوجمله‌دن ۱۲۳۶ ته‌سی نینگ نتیجهسی ایجابی تانیلگن.
آمریکا مدافعه وزیری لوید آستین، افغانستان ده اوروش و زوروانلیک یکونله‌نیشی و سیاسی بیر کیلیشووگه قول تاپیش اوچون خلقارا باسیم نی سوره‌گن. آمریکا مدافعه وزیری نینگ ایتیشیچه، بوتون دنیا بو باسیم نینگ دوامی اوچون یاردم بیره آله‌دی. او، اوشبو خلقارا باسیم نینگ قنده‌یلیگی توغریسیده تفصیلات بیرمه‌گن.
آمریکا جمهوررئیسی جو بایدن نینگ ایتیشیچه، افغانستان حکومتی سقوط قیلمه‌یدی و تیزیم نی سقلش اوچون ییترلیچه حربی و حربی جهازلر بار دیر. جناب بایدن، اوتگن کیچه آق سرای ده یولگه قویگن خبری بیر ییغینده بونده‌ی بیانات بیرگن. آمریکا جمهوررئیسی بیر خبرچی نینگ سوراغی گه جواب قیتریب ایتیشیچه، افغانستان حکومتی نینگ ۳۰۰ مینگ قوراللی حربیسی بار، بیراق طالبان جنگری‌لری نینگ سانی ۷۵ مینگ کیشی گه ییتیشه‌دی.
آمریکا تشقی ایشلر وزیرلیگی تهران ده افغانستان دولت نماینده‌لری و طالبان هیأتی دن میزبانلیک بولگنینی خوش قرشی‌لب و ایتیشیچه، بونده‌ی اقدام‌لر افغانستان کیله‌جگی اوچون یخشی تمام بولیشی ممکن. ایران اوتگن کون افغانستان سیاسی سیمالری و طالبان گروهی هیأتی گه میزبان ایدی.
اوتگن کون دولت رسمی‌لریدن قطاری رسانه‌یی نهادلر و دولت نماینده‌لری نینگ حضوری بیلن بیر ییغین یولگه قوییب و رسانه‌لرنینگ فعالیتیدن تنقید قیلیشگن. اولر رسانه‌لردن، ملی منفعت‌لرگه توجه قیلیش بیلن دولت گه قرشی قوراللی گروه‌لرنینگ فایده‌سیگه تبلیغ قیلیشدن واز کیچیش‌لرینی سوره‌شدی.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
