خلق‌ارا قوتقرو کمیته، اسلام امیرلیگی تامانیدن ایچکی و خارجی نادولتی موسسه‌لرده عیاللر ایشی توخته‌تیلیشی گه قرشی عکس‌العمل کورستیب، افغانستان ده فعالیتی نی توخته‌تگن. مذکور کمیته بیر بیانیه آرقه‌لی، اسلام امیرلیگی نینگ اوشبو قراری‌دن ناامید بولگنی نی بیلدیرگن.
خلق‌ارا قوتقرو کمیته نینگ کوپه‌یتیریشیچه، مذکور نهاد نینگ خذمت‌لر ارائه‌سی عیاللر گه باغلیق دیر و عیاللر نینگ استخدام قیلینیشی گه رخصت بیریلمه‌گنی تقدیرده، نیازمند کیشی‌لر گه یاردم بیره آلمه‌یدی و انه شوو سبب، حاضر ایسه افغانستان ده خذمت‌لری نی توخته‌تگن.
اوشبو کمیته گه کوره، انسان‌پرورلیک یاردم‌لر ارائه‌سیده عیاللر نینگ محروم بولگنی، افغانستان اهالی‌سی اوچون یامان عاقبتی بولیشی ممکن. خلق‌ارا قوتقرو کمیته نینگ بیان قیلیشیچه، افغانستان جمعیتی‌دن ۹۷ فایز‌دن آرتیغی نینگ قشاق‌لیک چیزیغی آستیده قرار تاپگنی بیرحالده، مذکور نهاد اسلام امیر‌لیگی‌دن انسان‌پرورلیک خصوصیده سونگی قراری نینگ جدی عاقبت‌لری نی نظر گه آلیشلری نی ایسته‌یدی.
بیزلرنینگ توییترده هم تعقیب قیلینگ!
خلق‌ارا قوتقرو کمیته نینگ ایتیشیچه، افغانستان نینگ ۱۲ ولایتی‌ده عاجل حالت‌لر، ساغلیق، تعلیم و باشقه قوتقرو خذمت‌لر بولیم‌لریده فعالیت قیله‌دی و ۸۰۰۰دن آرتیق کیشی جمله‌دن ۳۰۰۰ عیال ایشلاوچی‌سی بار.
مذکور کمیته نینگ کوپه‌یتیریشیچه، افغانستان انسانی فاجعه و اقتصادی قیین‌چیلیک بیلن روپه‌ره دیر، اوشبو مملکت اهالی‌سی نینگ جانی نی قوتقریلیشی اوچون اوتمیش ییل‌لر جریانیده انسان‌پرورلیک عملیات نیاز کیره‌کلی بولیب و بو عملیات عیال ایشلاوچیلر بولمس‌دن ممکن ایمس ایدی.
مذکور کمیته گه کوره، یالغیز اوتمیش ییل‌ده ایش خصوصیده عیاللر گه یره‌تیلگن چیکلاولر، افغانستان نینگ شکست حالده بولگن اقتصاد وضعیتی نی یامان‌لنتیریب و بیر میلیارد دالر‌لیک اقتصادی زیان کیلتیرگن.
بیزلرنینگ فیسبوک صحیفه‌میزگه باش اورینگ!
عین‌حالده شنبه کیچه، ۳جدی، اقتصاد وزیرلیگی ترقه‌تگن مکتوبی ده، ایچکی و خارجی نادولتی مؤسسه‌لرده عیال ایشلاوچیلر نینگ ایشلرینی توخته‌تدی. اوشبو مکتوب ده کیلیشیچه، نادولتی مؤسسه‌لرده عیاللر تامانیدن اسلام امیرلیگی نینگ قانون_قاعده‌لری رعایت ایتیلمسلیگی خصوصیده کوپ شکایت‌لر بولگن.
اقتصاد وزیرلیگی مذکور مکتوبی ده، مسئولیتینی ادا قیلیش مقصدیده، ایچکی و خارجی نادولتی مؤسسه‌لر گه، کیینگی امرگچه عیال خادم‌لری نینگ ایشینی توخته‌تیش بویروغینی بیرگنینی ایتگن. مذکور وزیرلیک، اوشبو دستور برابریده بی‌فرق بولگن اداره‌لر نینگ فعالیت جوازی لغو بولیشیدن آگاه‌لنتیرگن.
نادولتی مؤسسه‌لرده خاتین‌لر نینگ ایشی توخته‌تیلیشی گه دایر اسلام امیرلیگی نینگ قراری، ایچکی و خلق‌ارا مناسبت‌لر گه روپه‌ره بولگن و حاضرگچه، افغانستان ده کمیده تورت خلق‌ارا نهاد فعالیت‌لری نینگ توخته‌تگنلریدن خبر بیرگنلر.
