منبع نینگ کوپه‌یتیریشیچه، حاضرده امنیتی کوچلر جوزجان-بلخ کیریش کمربندی، یتم تاغ و چیغچی ده جایلشگن‌لر و مارشال عبدالرشید دوستم نینگ اوغلی یارمحمد دوستم امنیتی کوچلرنینگ کیین‌گه قیتیشلریگه توسیق بولیب وطن و اهالی اوچون جان بیریش‌گه تیار بولگنی‌نی بیلدیرگن.
طالبان جوزجان قماقخانه‌سینی نظارتگه آلیب و برچه محبوس‌لرنی قوییب یوبارگن. جوزجان ولایتیدن ایشانچلی امنیتی بیر منبع نینگ ایتیشیچه، طالبان بوگون ایرته‌لب گروهی هجوم اویوشتیریش بیلن جوزجان قماقخانه‌سی نینگ نظارت گه آلگن و تورلی جرم‌لر باعث حبس بولگن بیر مینگ محبوس نی قوییب یوبارگن.
نیمروز مرکزی زرنج شهری طالبان نظارتی گه اوتدی. منبع‌لردن قطاری نیمروز مرکزی زرنج شهری نینگ طالبان قولیگه سقوط قیلگنیدن خبر بیریشگن.
شونینگدیک نیمروز پولیس قومندانلیگی نینگ مطبوعات آمری غلام صدیق نورزی، زرنج شهری طالبان قولیگه سقوط قیلگنی نینگ تصدیق‌لگن. اونگه کوره، یاردمچی کوچلر ییتیشمه‌گنی باعث زرنج شهری طالبان قولیگه سقوط قیلگن.
ایچکی ایشلر وزیرلیگی سوزلاوچیسی میرویس استانکزی نینگ ایتیشیچه، حکومت رسانه و معلومات مرکزی باشلیغی دواخان مینه‌پال، کابل شهریده اولدیریلگن. اونینگ کوپه‌یتیریشیچه، دواخان مینه‌پال دشمن نینگ تبلیغات‌لری برابریده تیزیم نینگ اصلی حمایتچی‌لریدن ایدی.
جوزجان پولیس قومندانی خواجه غلام‌جیلانی ابوبکر نینگ ایتیشیچه، طالبان جنگریلری اوتگن کیچه شبرغان شهری نینگ جنوبیده امنیتی کوچلر دفاعی خطی‌نی سیندیریش بیلن شهرگه کیرگنلر، لیکن قیته‌دن ملی اسلامی جنبش حزبی رهبری مارشال عبدالرشید دوستم گه تیگیشلی حربی‌لر و امنیتی کوچلر تامانیدن کیین‌گه اوریلگن.
اوتگن تورت کیچه‌ده طالبان سلما توغانی اوستیگه کمیده ۵۰ هاوان اوقی آتگن. هرات ده امنیتی ایشانچلی بیر منبع نینگ سلام‌وطندارگه ایتیشیچه، مذکور هاوان‌لردن قطاری سلما توغانی نینگ تأسیساتی گه اصابت قیلیب و بو بند گه ضرر هم ییتیشتیرگن.
ایچکی ایشلر وزیرلیگی مسئوللری نینگ ایتیش‌لریچه، کابل شهریده مدافعه وزیرلیگی سرپرستی جنرال بسم‌الله محمدی نینگ اویی نی اوستیگه اویوشتریلگن هجوم، ۵ ساعت‌لیک آتیشمه دن کیین یکونلنگن.
ایچکی ایشلر وزیرلیگی سوزلاوچیسی میرویس استانکزی نینگ ایتیشیچه، مذکور آتیشمه جریانیده بیر عیال شامل ۸ کیشی هلاک بولگن.
جوزجان ایکینچلیک ریاست مسئوللری نینگ ایتیش‌لریچه، ناتینچلیکلر بو ولایت ایکینچیلیگی اوستیگه سلبی تأثیر قویگن و ایکینچیلر و چارواچیلر بوش قول بیلن آواره بولگن. جوزجان ایکینچلیک ریاست مسئوللری نینگ ایتیش‌لریچه، بو ولایت عیاللریدن ۵۰ فایزی نینگ درآمدی ناتینچلیک باعث قولدن کیتگن.
مملکت جمهوررئیسی محمداشرف غنی ملی کینگش ده یولگه قوییلگن خاص بیر ییغینده ایتیشیچه، افغانستان گه تجاوز صورت تاپگن و مملکتده‌گی جاری اوروش تحمیلی دیر، شو یوزه‌دن تجاوزکارلرگه قرشی کوره‌ش ملی مسئولیت دیر.
جمهوررئیس نینگ کوپه‌یتیریشیچه، اهالی نینگ اولیم‌دن قوتقریش و مملکتده دایمی تینچلیک ایجاد ایتیلیشی اوچون سیاسی یول و ملایم‌لیک کورستدیک، بیراق دشمن تینچلیک اوچون هیچ بیر اَدیم کوتارمه‌دی.
افغانستان بوییچه بیرلشگن ملت‌لر تشکیلاتی نینگ اورین باسرلیک هیاتی یا-ده یوناما، بیر توییت آرقه‌لی طالبان گروهی‌دن اوشبو نهاد نینگ هراتده‌گی دفتری اوستیگه اویوشتیریلگن هجوم خصوصیده جواب قیتریشی‌نی سوره‌گن. بو نهاد، طالبان گروهی دن مذکورهجوم‌نی جدی شکلده تیکشیریشی‌نی ایسته‌گن.
بوگون “یکشنبه” مملکت جمهور رئیسی محمداشرف غنی نینگ کابینه بیرینچی الکترونیکی ییغینیده ایتیشیچه، اوروش میدانیده وضعیت اوزگرمه‌گن صورتده، طالبان گروهی جدی سوزلشووگه حاضر بولمه‌یدی.
بوگون “یکشنبه” سلام‌وطندار محلی خبرچی‌سی شکیب شمس و پژواک محلی خبرچی‌سی استوری کریمی طالبان تامانیدن اسیر آلینیب و نیچه دقیقه‌دن سونگ، قیته‌دن قوییب یوباریلگن.
حربی ایش بیلرمان‌لرنینگ ایتیش‌لریچه، حکومت نینگ مدیریت‌سیزلیگی و برنامه‌سیزلیگی سبب، طالبان گروهی بیرقطار منطقه‌لرنی تصرف قیلگن. اولرنینگ ایتیش‌لریچه، حکومت موجود بولگن فرصت‌لر و ظرفیت‌لردن یخشی شکلده فایده‌لنه آلمه‌یدی.
طالبان گروهی حکومت نینگ ضعفی‌دن فایده‌لنیب و یوقاری روحیه بیلن حربی فشار دن ایش آله‌دی، لیکن اولرگه اوروش و تصرف قیلگن منطقه‌لریدن حفاظت قیلیش کوچی یوق دیر.
هرات محلی مسوول‌لری، طالبان جنگریلری نینگ یوناما دفتری، مالان و پشتون کوپریک‌لری اوستیگه هجوم قیلگنلریدن خبر بیرگن. هرات ولایتی بوییچه ساغلیق‌نی سقلش ریاستی مسوول‌لرنینگ ایتیش‌لریچه، طالبان تامانیدن اویوشتیریلگن هجوم‌لر نتیجه‌سیده ۵ حربی هلاک و ۳ تینچ اهالی شامل ۲۱ کیشی یره‌لنگن.
افغانستان ایرکین میدیالریدن حمایت قیلووچی نهاد یا-ده «نی» نینگ اعلان قیلیشیچه، طالبان گروهی ارزگان ولایتی نینگ دهراوود تومنی‌نی تصرف قیلگنیدن سونگ، «صدای دهراوود» رادیوسی نینگ وسایل‌لرینی‌نی تالان-تاراج قیلیب و بناسی‌نی تخریب قیلگن.
مالیه وزیرلیگی سوزلاوچیسی رفیع‌الله تابیع نینگ ایتیشیچه، اوشبو وزارت حاضرده مذکور ۶ گمرک‌که فعالیت قیلمه‌یدی و بو مسله ملی درآمد اوستیگه سلبی تاثیر قوییگن. اونینگ ایتیشیچه، دولت گمرکی درآمدلریدن ۴۰% نی قولدن بیرگن و بو درآمد حاضرده طالبان اختیاریگه قرار تاپه‌دی.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
