ایچکی ایشلر وزیرلیگی سوزلاوچیسی میرویس استانکزی نینگ ایتیشیچه، حکومت رسانه و معلومات مرکزی باشلیغی دواخان مینه‌پال، کابل شهریده اولدیریلگن. اونینگ کوپه‌یتیریشیچه، دواخان مینه‌پال دشمن نینگ تبلیغات‌لری برابریده تیزیم نینگ اصلی حمایتچی‌لریدن ایدی.
مذکور حادثه بوگون توشده کابل شهری نینگ ۷- ناحیه‌سیده یوزبیرگن.
طالبان گروهی سوزلاوچی‌لریدن بیری ذبیح‌الله مجاهد نینگ توییتر صحیفه‌سیده یازیشیچه، حکومت رسانه و معلومات مرکزی باشلیغی دواخان مینه‌پال، بو گروه نینگ خاص بیر هجومیده هلاک ایتیلگن.
بیزلرنینگ فیسبوک صحیفه‌میزگه باش اورینگ!
جناب مینه‌پال نینگ تروری خبرچیلر و فعاللردن کوپینچه‌سی نینگ عکس‌العمل‌لریگه روپه‌رو بولگن. اولر اجتماعی ترماق‌لرده جناب مینه‌پال نینگ فعالیتیدن تقدیرلب و اونینگ ترور ایتیلشی نی قاره‌لگن.
جناب مینه‌پال سابق جمهورلیک ریاست سوزلاوچیسی نینگ اورین باسری صفتیده ایش قیله‌دی ایدی، بیراق نیچه آیدن بویان حکومت رسانه و معلومات مرکزی باشلیغی صفتیده ایش گه باشله‌گن ایدی.
