پاکستان اردوسی نینگ عمومی مناسبت‌لر اداره‌سی بیر بیانیه ترقه‌تیب، افغانستان چېگره‌سیدن ییتّی عصیانچی گروه پاکستان گه اۉتیش پیتیده اوشبو مملکت چېگره‌چیلری تامانیدن اۉلدیریلگنینی اعلام قیلگن.
پاکستان رسمی‌لری نینگ، اوشبو مملکت ناتینچ‌لیک‌لریده افغان‌لر نینگ قولی بارلیگیگه دایر ادعالری دوام اېتماقده اېکن، ینگی‌لیکده اوشبو مملکت نینگ مشهور یېتکرمه‌لریدن دان‌نیوز، پاکستان‌لیک طالبلر تحریکی نینگ افغانستان‌لیک آلتی اعضاسی مذکور مملکت خوفسیزلیک کوچلری تامانیدن اۉلدیریلگنینی ایتگن.
تی‌تی‌پی؛ اسلام امیرلیگی و پاکستان آره‌سیده حاضرگچه حل بولمه‌گن بیر معما دیر. پاکستان حکومتی گه کوره، افغانستان ده تی‌تی‌پی اعضالری موجود و اسلام امیرلیگی برچه تامانلمه اولر دن حمایت قیله‌دی؛ بیراق اسلام امیرلیگی نیچه مرته بو کبی ادعالرنی رد قیلگن.
افغانستان اوچون پاکستان مخصوص نماینده‌سی آصف علی‌خان درانی نینگ افغانستان ده پاکستان طالبلر تحریکی اعضاسی نینگ حضوری و اوشبو مملکت توپراغی‌دن پاکستان گه قرشی قوللنیلیشی اساسیده‌گی بیاناتی‌دن کیین، سرپرست حکومت سوزلاوچیسی نینگ ایتیشیچه، پاکستان افغانستان نی عیب‌لش‌دن وازگیچیشی کیره‌ک؛ چونکه اونگه کوره، افغانستان ده پاکستان طالبلر تحریکی اعضاسی نینگ بارلیگی نی کورسته‌دیگن هیچ قنده‌ی سند یوق.
افغانستان برابریده پاکستان رسمی‌لری نینگ تنقیدی بیانات‌لری سونگی ده؛ اوشبو مملکت نینگ وقتینچه‌لیک تشقی ایشلر وزیری جلیل عباس جیلانی، شنبه کونی، ۱۸ سنبله، خبری ییغیلیش ده، اسلام امیرلیگی دن افغانستان توپراغیده پاکستان خوفسیزلیگی برابریده فعالیتی بولگن عصیانچی گروه‌لر جمله دن پاکستان‌لیک طالبلر تحریکی نی سرکوب قیلیشینی سوره‌گن.
پاکستان دنیا بویلب افغانستان اسلام امیرلیگی بیلن نسبتن مناسبتی یخشی بولگن اولکه‌لردن سنله‌دی و اسلام امیرلیگی حاکمیتیدن بیری هردایم اوشبو حکومت بیلن دنیا همجمعیت نینگ تعامل قیلیشی اوچون لابیچیلیک قیلیب کیلگن، بیراق اوشبو مناسبتی بیلن هم؛ پاکستان‌لیک طالبلر تحریکی (تی‌تی‌تی) مسئله‌سی اسلام امیرلیگی و پاکستان حکومتی ارا لفظی تارتیشوولر گه سبب بولگن.
افغانستان نینگ بیرقطار منطقه‌لری اینیقسه شمال و شمال‌شرقی ولایت‌لری گه پاکستان‌لیک طالبلر تحریکی (تی‌تی‌پی) اعضالری کوچیریلیشی گه دایر خواطرلر دوامیده، ینگی‌لیکده فرهنگی وسیاسی فعاللر گروهی بیرلشگن ملت‌لر تشکیلاتی باش کاتبی آنتونیو گوترش گه مکتوب یوللب، مملکت نینگ شمال و شمال‌شرقی ولایت‌لری گه پاکستان‌لیک طالبلر تحریکی اعضالری کوچیریلیشی گه دایر خواطرلر و گزارش‌لر تیکشیریلیشینی سوره‌گنلر.
اوتگن هفته پاکستان حکومتی، اسلام امیرلیگی پاکستانی طالبلر تحریکی اعضالرینی افغانستان بیلن اوشبو مملکت چیگره حدودلریدن اوزاق‌لشتیریش وعده‌سینی بیرگن‌لیگینی ادعا قیلدی. میدیالردن قطاری، اسلام امیرلیگی سوزلاوچیسی ذبیح‌الله مجاهد گه تیه‌نیب بو گَل گزارش‌لرنی ترقه‌تگن.
پاکستان طالبلر تحریکی (تی‌تی‌پی) بیلن اوشبو مملکت دولتی نینگ توقنشوولری دوامیده، مذکور گروه پاکستان ده حاکم حزب‌لر نینگ رهبرلری گه هجوم قیلیشیدن آگاه‌لنتیرگن.
افغانستان ملی مدافعه وزیرلیگی، یک‌شنبه کونی، ۱۱ جدی، اوز توییتری ده ترقه‌تگن بیانیه‌سیده، پاکستان ایچکی ایشلر وزیری رانا ثناءالله نینگ افغانستان ده پاکستان طالبلر تحریکی (تی‌تی‌پی) حضوری و پاکستان افغانستان ده مذکور گروه قرارگاه‌لرینی نشانگه آلیش بیاناتی گه مناسبت بیلدیریب، بو سوزلرنی تحریک قیلووچی و اساس‌سیز دیگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
