افغانستان اوچون پاکستان مخصوص نماینده‌سی آصف علی‌خان درانی نینگ افغانستان ده پاکستان طالب‌لر تحریکی اعضاسی نینگ حضوری و اوشبو مملکت توپراغی‌دن پاکستان گه قرشی قوللنیلیشی اساسیده‌گی بیاناتی‌دن کیین، سرپرست حکومت سوزلاوچیسی نینگ ایتیشیچه، پاکستان افغانستان نی عیبلشدن وازگیچیشی کیره‌ک؛ چونکه اونگه کوره، افغانستان ده پاکستان طالب‌لر تحریکی اعضاسی نینگ بارلیگی نی کورسته‌دیگن هیچ قنده‌ی سند یوق.
اسلام امیرلیگی سوزلاوچیسی ذبیح‌الله مجاهد نینگ سلام‌وطندار گه ایتیشیچه: «افغانستان ده آلتی مینگ تی‌تی‌پی جنگری‌سی نینگ حضوری خصوصیده‌گی ادعا ناتوغری دیر. شونینگدیک افغانستان توپراغی‌دن پاکستان گه قرشی قوللنیلیشی خصوصیده رخصت بیرمه‌یمیز. بو توغریده جدی‌میز و عیبلشدن وازگیچیشلری کیره‌ک و موضوع‌لر خصوصیده انیق توشینسینلر. پاکستان‌لیک‌لر گه اویوشتیریلگن هجوم‌ده افغانستان‌لیک‌لر نینگ قولی بارلیگی حقیده، بیزلر بیلن معلومات نی شریک قیلیشلری کیره‌ک.»
بیزلرنینگ «ایکس» ترماغی ده هم تعقیب قیلینگ!
افغانستان اوچون پاکستان نینگ مخصوص نماینده‌سی آصف علی‌خان درانی، ینگی‌لیکده پاکستان میدیالریدن بیری بیلن اوتکزگنی صحبت‌لرده، افغانستان توپراغی‌ده پاکستان طالب‌لر تحریکی اعضاسی نینگ بارلیگی‌دن خواطر بیلدیریب و ایتیشیچه، حاضر ایسه افغانستان ده «آلتی مینگ پاکستان طالب‌لر تحریکی جنگری‌سی» نینگ حضوری بولیب ومذکور مملکت خوفسیزلیک کوچلری گه قرشی هجوم‌لرده قول‌لری بار.
اونینگ کوپه‌یتیریشیچه: «افغانستان نی درست تانیمیز و بیله‌میز که او ییرده نیمه اوته‌دی. او ییرده تی‌تی‌پی رهبری نینگ فعالیتی بار؛ چترال هجومی‌دن ترقه‌تیلگن ویدیولر گه قره‌گنده نورولی مسعود اوشبو هجوم ییتکچیسی دیر و بو اسلام امیرلیگی بیلن پاکستان طالب‌لر تحریکی نینگ بیر مقصد اوچون متعهد بولگنلری نی کورسته‌دی.»
افغانستان ده اسلام امیرلیگی نینگ قدرت گه ایریشگنیدن کیین، پاکستان ییریک رسمی‌لری نیچه مرته، افغانستان ده پاکستان تحریکی اعضاسی نینگ فعالیتی بارلیگی و افغانستان دن پاکستان خوفسیزلیک کوچلری گه قرشی هجوم‌لر یولگه قوییلیشی نی ادعا قیلگن دیر.
باشقه بیر تامان‌دن، خلق‌ارا رابطه‌لر بیلرمان‌لریدن قطاری نینگ ایتیشلریچه، پاکستان و اسلام امیرلیگی آره‌سیده، افغانستان توپراغی‌ده پاکستان طالب‌لر تحریکی اعضاسی نینگ حضوری بارلیگی و یوقلیگی خصوصیده‌گی جنجل‌لر دوامی، ایکی مملکت رابطه‌سی گه جدی زیان ییتیشتیریشی ممکن.
خلق‌ارا رابطه‌لر ایش بیلرمانی سید‌فرهاد معصونی نینگ ایتیشیچه، پاکستان طالب‌لر تحریمی اعضاسی نینگ حضوری خصوصیده ایکی مملکت نینگ قره‌مه-قرشیلیگی، ایکی مملکت اینیقسه افغانستان گه سلبی عاقبتلری بولیشی ممکن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «چونکه پاکستان افغانستان و منطقه‌ده سیاسی ثبات ایجاد قیلیش خصوصده اونملی اویینچی حساب‌لنه‌دی، آز مدت‌ده بو موضوع چیگره آتیشمه‌لری و قانونی قاچقین‌لر گه باسیم‌لر کوپه‌یشی گه سبب بوله‌دی و اوزون مدت‌ده ایسه باشقه باسیم‌لر و آسیا جنوبی بیلن افغانستان تجارتی کمه‌یشی گه سبب بوله‌دی.»
شونینگدیک خلق‌ارا رابطه‌لر ایش بیلرمان‌لریدن باشقه بیری محمود اضطرابی نینگ ایتیشیچه: «پاکستان عنوان قیله‌دیگن مسئله‌لر، اوشبو مملکت نینگ اوزون مدت دشمنلیگی‌دن عبارت دیر. پاکستان افغانستان ده هیچ قنده‌ی حکومت نی ایستمه‌یدی و پاکستان اوزی ایسته‌گنی وضعیت نینگ افغانستان ده ایجاد بولیشی نی ایسته‌یدی. انه شوو سبب بهانه قیله‌دی.»
ایتیش کیره‌ک که، افغانستان ده اسلام امیرلیگی نینگ قیته قدرت گه ایریشگنیدن کیین، پاکستان نینگ ییریک رسمی‌لری نیچه مرته افغانستان ده پاکستان طالب‌لر تحریکی اعضاسی نینگ فعالیتی بولگنی و اوشبو گروه نینگ افغانستان توپراغی‌ده پاکستان خوفسیزلیک کوچلری گه قرشی هجوم‌لر نی یولگه قوییشی نی اَیتگنلر که؛ بو بیانات دایم اسلام امیرلیگی تامانیدن رد بولگن.
