اوتکن کونی آمریکا تشقی ایشلر وزیرلیگی روسیه‌نینگ اوکراین گه احتمالی هجومی باعث، اوکراین پایتختی کیف‌ده‌گی دیپلومات‌لری نینگ عایله‌لری‌گه اوشبو مملکت‌نی ترک ایتیش بویروغینی بیرگن.
آمریکا میدیالری نینگ گزارش‌لری اساسیده، اوشبو وزیرلیک غیر اضطراری خادم‌لری‌گه اوکراین‌نی ترک ایتیش‌لرینی طلب قیلیب وشونینگدیک آمریکا یشاوچیلری‌دن سوداگرلیک پروازلرده اوکراین‌دن چیقیش‌لرینی ایسته‌گن.
آمریکا تشقی ایشلر وزیرلیگی اوشبو مملکت یشاوچیلری‌گه، آمریکا و روسیه ارا کیسکین‌لر دوامی، روسیه‌نینگ اوکراین چیگره‌سی یقینیده حربی کوچلری ییرلشتیریلیشی و کووید۱۹ کسل‌لیگی رواجلنیشی باعث اوکراین و روسیه‌گه سفر قیلمسلیکلرینی سوره‌گن.
بیزلرنینگ فیسبوک صحیفه‌میزگه باش اورینگ!
عین‌حالده آمریکا قوشمه ایالت‌لری نینگ تشقی ایشلر وزیری آنتونی بلینکن‌گه کوره، بو مملکت روسیه بیلن دیپلوماتیک مذاکره‌لری‌گه دوام بیره‌دی و واشنگتن و مسکو ارا کیسکین‌لر کمه‌یشیگه امیدوار دیر.
آمریکا ییتکیرمه‌لری نینگ معلومات‌لری اساسیده، اوشبو مملکت اوکراین‌ده ایلچیخانه‌سینی بوشه‌تیش مقصدیده تیارگرلیک کورماقده. بیراق آمریکا تشقی ایشلر وزیرلیگی نینگ ایتیشیچه، اوکراین‌دن چیقیش جریانی کابل؛ اسلامی امارت قولی‌گه اوتیشی‌دن کیین چیقیش‌لری کبی ایمس.
بیزلرنینگ توییترده هم تعقیب قیلینگ!
روسیه‌نینگ اوکراین چیگره‌سی یقینیده اونلب حربی‌کوچلری ییرلشتیریلیشی باعث روسیه و اوکراین ارا کیسکین‌لر کونسه‌یین اوج آلر ایکن اوشبو بیانات‌لر بیریلگن. شونینگدیک واشنگتن نینگ تاکیدلشیچه اوکراین‌گه حربی یاردم‌لری گه دوام بیره‌دی، چونکه غرب مملکت‌لری روسیه‌نینگ اوکراین چیگره‌سی یقینیده حربی کوچلری ییرلشتیریلگنیدن خواطرده.