بامیان ولایتی نینگ بیرقطار مدنی فعاللری و خبرچی‌لری «افغانستان باله‌لری» خیریه موسسه‌سی نینگ همکارلیگی بیلن بامیان شهری نینگ قشاق – کمبغل یشاوچیلری حیات کیچیره‌یاتگن منطقه‌لرده رمضان مقدس آیی مناسبتی بیلن ایسیق نان ترقه‌تیش کمپاینینی یولگه قویگن‌لر.
بامیان محلی خبرچیسی و اوشبو کمپایننی یولگه قویگن کیشیلردن بیری، انور سعادات‌یار نینگ سلام‌وطندارگه ایتیشیچه، مملکت‌ده ییگولیک ماده بهاسی کوتاریلگنی، قشاقلیک و ایش سیزلیک کون اوتیشی بیلن کوپه‌ییشی، انسان سیورلیک یاردملرنینگ ناعادلانه ترقه‌تیلیشی سبب بامیان شهری نینگ قشاق و کمبغللر حیات کیچیره‌یاتگن منطقه‌لریده اوشبو کمپایننی یولگه قویگن‌لر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، اوشبو کمپاین رمضان مبارک آیی جریانیده ۱۰ کونگه قدر دوام ایته‌دی و هرکون افطارلیک چاغیده ۲۰۰ قشاق عایله‌گه ۱۰۰۰ مینگ قرص ایسیق نان توزیع قیلینه‌دی، جناب سعادت‌یار خیرخواه کیمسه‌لر، سوداگرلر و بای – بدولت کیشیلردن کمبغل عایله‌لرگه یادرم بیریشلرینی سوره‌گن.
عین‌حالده، بامیان یشاوچیلریدن بیری معصومه که ۱۰ کیشی‌لیک بیرعایله نینگ اعضاسی دیر یاردم قولگه کیلتیریش اوچون کیلگن دیر، اوشبو کمپاین یولگه قویلگنیدن خرسندلیک قیلیب ایتیشیچه:«خداوند سیزلرگه خیر بیرسین، بیزلر بیرعایله‌گه ۱۰ کیشی میز و یالغیز بیرکیشی بیزلرنی روزگاریمیزنی اوتکزه‌دی بو کبی یاردلر قشاق – کمبغل عایله‌لر غنیمت دیر.»
شونینگدیک بامیان یشاوچیلریدن قربان نانوا بامیان شهری ۳- ناحیه‌سی زرگران ۲- شوراسی‌ده ایتیشیچه: «سیزلرنینگ یاردملرینگیز کوپ یخشی دیر. بیز بعضی کیشیلرنی کوره‌میز که ییگودیک نانی یوق سیزلر نینگ ترقه‌تگن نان‌لرینگیز اولر نینگ آقشام‌لریگه ییته‌دی.»
شونده‌ی بیرحالده، عبدالواحد که ایاق‌لریدن بیرینی قولدن بیرگن دیر و عصا آرقه‌لی قیینچلیک بیلن یولگه یوریدی اونینگ ایتیشیچه، ۳ کیشی‌لیک بیر عایله‌نی باشقره‌دی و عایله‌سینی باقیش‌گه قادر ایمس دیر.
او بو کمپاینی خوش قرشیلب خیرخواه کیشی‌لر و خیریه نهادلردن قیین شرایطده او نینگ عایله‌سی آچیلک سبب اورته‌دن کیتمس‌لیگی اوچون یاردم قیلیشلرینی سوره‌یدی.
بامیان شهری نینگ ۳- ناحیه‌سی زرگران ۲- شوراسی نینگ اورین باسری محمدکبیر محمدی نینگ ایتیشیچه، کرونا ویروسی نینگ ترقه‌لیشی، مملکت‌ده سیاسی اوزگریشلر و اسلامی امارت قدرتگه ایریشگنیدن کیین فقر و ایش سیزلیک یشاوچیلر آره‌سیده کوپه‌یگن دیر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «کوپینچه عایله‌لر آچ قالمسلیکلری اوچون اویده‌گی وسایل و لوازم‌لرینی ساتگن‌لر، اهالی جوده قشاق و انسان سیورلیک یاردلرگه احتیاج‌لری بار. بیز یاردم قیلوچی تشکیلاتلردن ایسته‌یمیز اوشبو ولایت قشاق و کمبغللر یشه‌یاتگن منطقه‌لرده انسان پرورلیک یاردملرنی ییتکیز سینلر.»
ایتیش کییره‌ک دیر که افغانستانده اسلامی امارت حاکم بولگن دن بویان فقر و ایش سیزلیک مثل سیز درجه‌ده کوپه‌یگن دیر و خلق‌ارا نهادلرنینگ ایتیشلریچه، اوشبو مملکت نینگ یریمی دن کوپراق یشاوچیسی نینگ ییترلی آزیق – آوقاتی یوق.
