اسلامی امارت تامانیدن افغانستانده خلق‌ارا تلویزیون‌لر نینگ دستورلری توخته‌تیلیشی‌دن کیین، معلومات و مدنیت وزیرلیگی متصدی‌لری نینگ ایتیشلریچه، بو قرار مذکور میدیالر تامانیدن «اسلام قانون-قاعده‌لری و افغانی کلتور رعایت ایتیلمسلیگی» باعث آلینگن.
معلومات و مدنیت وزیرلیگی نینگ میدیالر دستورلرینی نظارت ایتیش مسئولی عبدالحق حماد نینگ سلام‌وطندار گه ایتیشیچه، اسلامی امارت خلق‌ارا میدیالر نینگ دستورلری محتواسی بیلن مشکلی یوق، لیکن تلویزیون‌لر نینگ دستورلریده اسلام و افغانی کلتور رعایت ایتیلیشی کیره‌ک.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «افغانستان نینگ بویوک ولایت‌لریده رادیو بولیمیده اکثریتی فعالیت قیلماقده‌لر، بیراق تلویزیون دستورلریده افغانی و اسلامی کلتورنی رعایت ایتمس ایدیلر، اسلامی و افغانی کییم کیمس ایدیلر.»
معلومات و مدنیت وزیرلیگی نینگ میدیالر دستورلرینی نظارت ایتیش مسئولی گه کوره، خلق‌ارا میدیالر نینگ دستورلرینی نشر قیله‌دیگن ایچکی ییتکیرمه‌لر نینگ مسئول‌لری گه، مذکور ییتکیرمه‌لر افغانستان میدیالریده‌گی دستورلرینی ترقه‌تیش چاغیده، اسلام و افغانی کلتورنی رعایت قیلیشلرینی سوره‌ش اوچون تأکید بولگن ایدی، لیکن اولر بی فرق بولگن‌لر.
بی‌بی‌سی خلق‌ارا تلویزیونی اوتگن کونی، اسلامی امارت افغانستان نینگ محلی تلویزیون‌لری گه، خلق‌ارا تلویزیون‌لر جمله‌دن بی‌بی‌سی تلویزیونی نینگ دستورلرینی توخته‌تیش بویروغینی بیرگنینی معلوم قیلدی. بی‌بی‌سی گه کوره، اسلامی امارت بویروغی‌دن، مذکور مملکت‌ده پشتو، فارسچه و اوزبیکچه دستورلر کیسیلگن.
بی‌بی‌سی نینگ غیر انگلیسی تیل‌لر بولیمی باشلیغی طارق کفاله نینگ ایتیشیچه، افغانستان یشاوچیلری نامعلوم بیر وضعیتده ایکن بو کبی یانده‌شوو خواطرلی دیر. او اسلامی امارت‌دن، قرارینی قیته کوریب چیقیب، افغانستانده بی‌بی‌سی بیلن همکارلیک قیله‌دیگن‌لر ییتکیرمه‌لر، اوشبو تلویزیون نینگ دستورلرینی تیزلیک بیلن باشلش‌لری کیره‌ک دیگن.
بیزلرنینگ توییترده هم تعقیب قیلینگ!
شونینگدیک آمریکا آوازی، اسلامی امارت نینگ افغانستانده اوشبو تلویزیون نینگ دستورلری توخته‌تیلیشی گه عاید قرارینی قاره‌لب و بو توغریده‌گی قرارینی قیته کوریب چیقیشینی طلب قیلگن. آمریکا آوازی سرپرستی یولاندا لوپز، بیر بیانیه ترقهتیب اسلامی امارت‌دن اوشبو «خواطرلی و بیزاوته‌لیک» قرارلرینی قیته کوریب چیقیشینی سوره‌گن.
عین‌حالده، افغانستانده بیرلشگن ملت‌لر تشکیلاتی نینگ اورین باسرلیک هیأت دفتری یا یوناما، اسلامی امارت نینگ اوشبو قراری گه مناسبت بیلدیریب، اونی «خواطرلی اوزگریش» عنوان قیلگن. یوناما توییتری‌ده یازیشیچه، اسلامی امارت افغانستان میدیالری گه، بوندن بویان خلق‌ارا میدیالر نینگ دستورلرینی نشر قیلمسلیک بویروغینی بیرگن. یوناما گه کوره، اسلامی امارت نینگ بو ایشی «افغانستان خلقینی سرکوب قیلیش بیر حرکت» دیر.
