جوزجان ساغلیق نی سقلش ریاست مسئوللری نینگ ایتیش‌لریچه، اوشبو ولایت‌ده کولرا کسل‌لیگی نینگ کوپه‌یگنی نتیجه‌سیده، حاضرگچه ۶۹۵۰دن آرتیق کیشی اوشبو کسل‌لیککه چلینیب و بو آره‌ده ۲۶۴۴ کیشی جدی مراقبت‌لر آستیده قرار تاپگن دیر.
جوزجان ساغلیق نی سقلش ریاستی نینگ سرویلانس بولیمی مسئولی داکتر خالص قادری نینگ ایتیشیچه، کولرا کسل‌لیگی بیرینچی مرته اوشبو ولایت مردیان تومنی نینگ «جنگل اریغ» قیشلاغیده کوپه‌یگن؛ بیراق زمانی‌ده خذمت‌لر ارائه بولگنی و اهالی همکارلیگی باعث، اوشبو کسل‌لیک کوپه‌یشی نینگ آلدی آلینگن.
بیزلرنینگ فیسبوک صحیفه‌میزگه باش اورینگ!
جوزجان ساغلیق نی سقلش ریاستی نینگ سرویلانس بولیمی مسئولی گه کوره، حاضرگچه ۶۹۵۰دن آرتیق کیشی اوشبو کسل‌لیککه چلینگن که بو آره‌ده ۱۲ کیشی ساغلیک مرکزلر گه ییتیشیش‌دن آلدین جان بیرگن.
داکتر خالص قادری نینگ کوپه‌یتیریشیچه، ساغلیق نی سقلش ریاست مسئوللری نینگ سعی و حرکتی، موسسه‌لر و اهالی یاردم‌لری، مذکور کسل‌لیک نینگ کوپه‌یشیدن توسیق بولگن.
جوزجان ساغلیق نی سقلش ریاستی نینگ سرویلانس بولیمی مسئولی نینگ اورغولشیچه، ناپاک سوولردن قوللنیش و حفظ‌الصحه نینگ مراعات قیلمه‌یش، اوشبو ولایت‌ده مذکور کسل‌لیک نینگ کوپه‌یشی گه سبب بولگن.
بیزلرنینگ توییترده هم تعقیب قیلینگ!
شونده‌ی بیرحالده، جوزجان ساغلیق نی سقلش ریاست رئیسی عبدالغنی صمیم نینگ ایتیشیچه، حاضر ایسه اوشبو کسل‌لیک کنترول آستیده دیر و بو زمینه‌ده یاردم بیرووچی نهاد‌لر نینگ بسیج بولیش‌لری کیره‌ک. او اهالی‌دن ساغلیق توصیه‌لر نی رعایت قیلیب و پاک سوولردن قوللنیش‌لری نی ایسته‌گن.
