متقاعدلردن عبدالله جمیل نینگ ایتیشیچه، دولت ده اونلب ییل خدمت قیلیشدن کیین، تورت ییل آلدین تقاعد قیلگن و کوزدن عاجز بولگنیدن ایکی ییل اوتماقده، مغزی خسته‌لیک باعث حاضر کسل‌لیک بستری گه یاتگن.
او هر کونی متقاعدلیک پولی توللـه‌نیشنی کوته‌دی، اونینگ اوشبو متقاعدلیک پولی اوزینی درمانی و عایله‌سی نینگ اقتصادی قیینچیلیگینی بیر آز حل قیلیشی ممکن.
جناب جمیل نینگ سلام‌وطندار گه ایتیشیچه: «مغزی خسته‌لیک باعث کسل بولدیم، کسل‌لیک بستری گه یاتگنیمدن اوچ ییل اوتماقده، معاش‌لریمیز قالگن. متقاعدلر نینگ قیینچیلیگی کوپ و قیش موسومیده کوپ قیینچیلیکلر گه روپه‌ره بولیشه‌دی. بیرقطاری مین کبی کسل دیر و بعضی‌لری عیاللر دیر؛ حاضر کوزدن عاجز بولگن‌من درمانلش اوچون پولیم یوق.»
بیزلرنینگ فیسبوک صحیفه‌میزگه باش اورینگ!
اوتگن ایکی ییل ده متقاعدلر، حقوق‌لری توللـه‌نیشی اوچون نیچه مراتبه متقاعدلر اداره‌سیگه مراجعت قیلیشگن بولسه‌ده، لیکن اولر نینگ خواستی گه دقت قیلینمه‌گن.
سکیز کیشی‌لیک عایله سرپرستی عبدالفتاح، سابق حکومت نینگ یکونی آی‌لری ده تقاعد قیلگن، اوتگن ایکی ییل ده اقتصادی قیینچیلیک و ایش‌سیزلیک دن نالیب ایتیشیچه: «۳۵ ییل ایچیده باشقه ایش قیلگن بولسک ایدی. برچه مامورلر خدمت قیلیب و تقاعد قیلیشنی آرزو قیلر ایدیلر.»
باشقه تاماندن، جمعیت ده‌گی محتاج کیشی‌لر و ناگران‌لر تیریکچیلیک اوچون یاردم گه محتاج دیر.
پکتیا یشاوچیسی مسیح‌الله، ۹ ییل آلدین اوشبو ولایت ده اوروش باعث ایکی ایاغ دن ناگران بولگن ایتیشیچه، اونگه علاوه آته‌سی و سینگلیسی ناگران‌لیک دن اذیت چیکماقده‌لر؛ لیکن اوتگن بیر ییل ده حکومت تامانیدن اولر گه یاردم بیریلمه‌گن.
مسیح‌الله و ناگران‌لردن قطاری، حکومت تامانیدن حمایت بولمسلیک امیدینی قولدن بیریشدن کیین، ناگران‌لر دادخواهی‌لیگی اوچون شورا تشکیل بیریشه‌دی؛ بیراق حاضرگچه هیچ بیر نهاد اولرنی قوللب_قوتلمه‌گن.
اونگه کوره، ناگران‌لردن قطاری انده_سنده حیات قیینچیلیک‌لری اوچون ویلچرلرینی ساتیشگه مجبور بوله‌دی.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «ناگران‌لر اسلام امیرلیگی حکومتیده قیین احوال ده یشه‌ماقده‌لر. نیچه کون آلدین، ناگران‌لردن بیری حتا ویلچرینی ساتیش اوچون بازار آلیب کیلگن ایدی، ناگران‌لر قیین احوال ده حیات کیچیرماقده‌لر.»
کمپیوتر ساینس بولیمیدن مدرکی بولگن مسیح‌الله نینگ ایتیشیچه، ناگران‌لر آره‌سیده ایریم ساحه‌لرده ظرفیت‌لی کیشی‌لر بار، اولر گه ایش شرایطی یره‌تیلیشی کیره‌ک.
ناگران‌لردن باشقه بیری مطیع‌الله عطایی گه کوره: «ناگران‌لر نینگ اساسی قیینچیلیگی، مالی قیینچیلیک دیر. بیر قطاریمیز عالی درجه ده درس اوقیگن‌میز؛ بیراق وظیفه‌میز یوق.»
ایتیش کیره‌ک که، بوندن آلدین حکومت تامانیدن ناگران‌لر گه امتیاز توزیع قیلیش جریانی باشلنگن ایدی، بیراق ناگران‌لردن قطاری نینگ ایتیشلریچه، اولردن قطاری اینیقسه اوزاق حدودلرده یشه‌یدیگنلر، حاضرگچه امتیاز آلیشمه‌گن.
