هوا نینگ ساووق‌لیگی و یشاوچیلر نینگ برق گه قول تاپه آلمه‌یشی بیلن، ممکت بویلب گازدن زهرلنیش واقعه‌لری هم کوپه‌یگن دیر.
شونده‌ی بیرحالده، فاریاب ولایتیده گازدن زهرلنیشی خصوصیده‌گی ایری ایکی واقعه‌‌ده، ایکی کیشی هلاک بولگن که بیرینچی واقعه ایکی کون آلدین فاریاب ولایتی بل‌چراغ تومنی‌ده یشش بیر اوی‌ده یوز بیرگن و ایکینچی واقعه ایسه، بوگون اوشبو ولایت گرزیوان تومنی‌ده بیر کیشی نینگ موتر ایچیده گازدن زهرلنیشی نتیجه‌سیده یوز بیرگن.
بیزلرنینگ توییترده هم تعقیب قیلینگ!
شونینگدیک اوتگن کون شام چاغی جوزجان ولایتی آقچه تومنی‌ده خصوصی بیر بانک نینگ ایکی قوریق‌چیسی گازدن زهرلنیشی سبب هلاک بولگن.
عین حالده، خوست ولایتیده بیر عیال تورموش اورتاغی بیلن گاز توتگنی نتیجه‌سیده هلاک بولگن.
مذکور عایله عضوی بیت‌الله نینگ ایتیشیچه: «اوتگن کون کیچ قورون گاز اتاق ایچیده ترقه‌لدی. ایرتنگ چاغی ایشیک‌لر نی آچدیک و کوریک که ایکیله‌سی هم هلاک بولگن. بوگون‌لر خوست نینگ هوا‌سی جوده‌یم ساووق بولگن و برق هم یوق؛ اهالی اویی نی ایسیق قیلیش اوچون گازدن قوللنه‌دی.»
برق‌‌دن فایده‌لنه آلمه‌سلیک، کومیر کیفیتی نینگ درست بولمه‌گنی و اوی‌لری نی ایسیتیش اوچون یشاوچیلر نینگ گازی وسیله‌لردن درست بیر شکلده قوللنه آلمه‌سلیک‌لری، یشاوچیلردن قطاری نینگ گازدن زهرلنیشی گه سبب بولگن.
اطراف-محیط بیلرمانی سید‌عبدالباسط رحمانی نینگ ایتیشیچه: «اهالی باشقه امکانیت‌لر گه قول تاپه آلمه‌یشی سبب، مجبور ستندرد بولمه‌گن نرسه‌لردن قوللنه‌دی. بیر اوی نینگ حرارتی نی سقلش اوچون هوا نینگ کیریشی قید بوله‌دی.»
بیزلرنینگ فیسبوک صحیفه‌میزگه باش اورینگ!
کابل ده داکترلردن بیری شهباز تاتار، گاز توتگنی پیتده نیاز بولگن اقدام‌لر حقیده ایتیشیچه: «گاز توتگنی پیتده، تیزلیککه مذکور ساحه‌دن اوزاق‌لش و کسل گه آکسیجن ییتیشیشی کیره‌ک. گاز توتگن کیشی گه استرویت داروسی بیریلیشی کیره‌ک.»
افغانستان یشاوچیلریدن قطاری شونده‌ی بیرحالده گازدن زهرلنه‌‌دیلر که، مملکت‌ده دایم برق گه قول تاپه آلمه‌گنلر و عایله‌لردن کوپ قطاری نادارلیک سبب، اوی‌لری نی ایسیتیش اوچون گازدن قوللنه‌دیلر.
