کابل بوییچه آمریکا ایلچی‌خانه‌سی، اوتگن کون بیر اعلامیه آرقه‌لی طالبان تامانیدن زوروانلیکلر کوپه‌یگنی توغریسیده خواطر بیلدیریب و ایتیشیچه، یالغیز اوتگن ۱۲ ییل ده مملکتده ۳۸ مینگ تینچ‌اهالی هلاک ایتیلگن.
اعلامیه‌ده آمریکا تشقی ایشلر وزیرلیگی سوزلاوچیسی ند پرایس دن نقل قیلینیب کیلیشیچه، دنیا افغانستان ده تحمیلی بیر تیزیم نی ایستمه‌یدی. آمریکا ایلچی‌خانه‌سیگه کوره، افغانستان دولتی انسانی حقلری گه حرمت بیریب و اهالی نینگ نظریدن مشروعیت تاپگن بیرحالده، مذکور دولت گه یاردم‌لر دوام تاپیشی ممکن.
بیزلرنینگ فیسبوک صحیفه‌میزگه باش اورینگ!
کابل بوییچه آمریکا ایلچی‌خانه‌سی نینگ اورغولشیچه، افغانستان ده زوروانلیکلر کوپه‌یشی ۳۸ مینگ تینچ‌اهالی نینگ هلاک و ۷۰ مینگ دن آرتیق تینچ‌اهالی نی یره‌لنیشی گه سبب بولگن. مذکور نهاد گه کوره، میلیون‌لرچه افغان بیر عایله اعضالری نینگ هلاک و یره‌لنگنی اوچون رنج کوره‌دیلر.
آمریکا ایلچی‌خانه‌سی نینگ کوپه‌یتیریشیچه، افغانستان اهالیسی ییترلیچه زوروانلیک کورگن. آمریکا ایلچی‌خانه‌سی بیرلشگن ملتلر تشکیلاتی ده مذکور مملکت ایلچیسی لیندا توماس_گرینفیلد دن نقل قیلیب ایتیشیچه، برچه افغانستانلیکلر یخشی کون‌لرنی کوریب و قورقمسدن عادی حیات‌لریگه دوام بیریش حقی گه ایگه دیر.
اعلامیه اساسیده، آمریکا افغانستان و بو مملکت اهالیسی گه یاردم بیریش توغریسیده وعده بیرگن. آمریکا نینگ اورغولشیچه، افغانستان امنیتی و مدافعه کوچلریدن حمایت قیلیش گه دوام بیره‌دی و میلادی ۲۰۲۲- ییل گیچه ۳ میلیارد دالر امنیتی یاردم فراهم قیله‌دی.
آمریکا افغانستان ده زوروانلیکلر کوپه‌یگنیدن خواطر بیلدیرگن بیرحالده، طالبان سونگی ایکی آیده هجوم‌لرینی کوپه‌یتیرگن. شونینگدیک چیت‌ایللیک کوچلرنینگ افغانستان دن چیقیش پروسه‌سی باشلنیشی بیلن، مذکور گروه کمیده ۱۰۰ تومن نی نظارت گه آلگن.
