سرپرست حکومت ساغلیق‌نی سقلش وزیرلیگی مسئوللری نینگ سلام‌وطندار گه ایتیشلریچه، اوتگن ایکی آی‌ده افغانستان ده کانگو کسل‌لیگی ایجابی واقعه‌لری ۳۸ فایز کوپه‌یگن.
اوشبو وزیرلیک سوزلاوچیسی شرافت زمان امرخیل نینگ ایتیشیچه، اوتگن بیش آی‌ده مملکت‌ده مذکور کسل‌لیک نینگ ۲۰۳ ایجابی واقعه‌سی ثبت بولیب و بو کسل‌لیککه چلینیش نتیجه‌سیده آلتی کیشی جان بیرگن.
اونینگ کوپه‌یتیریشیچه: «اوتگن ایکی آی جریانیده افغانستان ده کانگو کسل‌لیگی ایجابی واقعه‌لری ۳۸ فایز کوپه‌یگن و اوتگن بیش آی‌ده مملکت‌ده کانگو کسل‌لیگی ننیگ ۲۰۳ واقعه‌سی ثبت بولیب و آلتی کیشی اولگن.»
بیزلرنینگ «ایکس» ترماغی ده هم تعقیب قیلینگ!
کانگو یوقمه و اولدیره‌دیگن بیر کسل‌لیک بولیب و کنه نینگ چاقیشی بیلن چاروه تنی گه کیریب و مذکور چاروه گه یقین‌لش یا-ده اونینگ گوشتی‌دن قوللنیش بیلن انسان گه انتقال تاپه‌دی.
شونده‌ی بیرحالده، شفاکارلردن قطاری ایسیتمه، باش آغریق، جان آغریق، بیل آغریق، کوز نینگ قیزه‌ریشی، افسرده‌لیک و غضب‌لنیش نی اوشبو کسل‌لیک نینگ اصلی عامل‌لریدن دیگنلر.
انتانی کسل‌خانه‌سی متخصصی فرید‌الله عمری نینگ ایتیشیچه: «وجودیمیز گه یره بولسه، چاروه‌لر گه یقین بولمسلیگیمیز و شو رقم قربانی قیلگنیمیز‌ده دستکش، ماسک، عینک و موزه‌میز بولیشی کیره‌ک و اوندن کیین پاک یوویلسین.»
بیزلرنینگ فیسبوک صحیفه‌میزگه باش اورینگ!
عین حالده، ایکینچیلیک، چاروه‌‌چیلیک و سووغاریش وزیرلیگی مسئوللری نینگ ایتیشلریچه، کانگو کسل‌لیگی ترقهلیشی آلدی آلینیشی اوچون، مملکت بویلب چاروه‌لر نینگ دوالش کمپاینی نی باشله‌گنلر.
مذکور وزیرلیک سوزلاوچیسی مصباح‌الدین مستعین نینگ ایتیشیچه: «کسل‌لیک ترقه‌لمسلیگی اوچون مملکت بویلب چاروه ساتیله‌دیگن بازارلرده دوالش کمپاینی نی باشله‌گنمیز و بو کسل‌لیک ترقهلیشی خصوصیده اهالی گه معلومات بیره‌میز.»
ایتیش کیره‌ک که، قویاش اوتگن ییل ۲۴۴ کیشی کانگو کسل‌لیگی گه چلینیب و اولر ارا ۱۰۰ کیشی جان بیرگن.
