میه و عصب علمی ژورنالیده اعلان قیلینگن تدقیقات «نوردیک ساغلیقنی سقلش تدقیقات» ناملی باشقه ییریک لایحه معلوماتلری گه اساسلنگن. اونده جدی کسللیکلری یوق ۳۲ مینگ کیشی قتنشگن بولیب، اولرنینگ اورتچه یاشی ۶۲ نی تشکیل اېتگن.
بیزلرنینگ فیسبوک صحیفهمیزگه باش اورینگ!
عالملر آلتی ییل دوامیده تدقیقات اشتراکچیلرینی کوزهتیب، اولرنینگ اویقو ترتیبی و کسللیک تاریخی حقیده معلومات تاپهدی. نتیجهلر، کونیگه ۹ ساعتدن آرتیق اوخلهیدیگن (اشتراکچیلرنینگ ۲۴ فایزی) یا که کوندوز ۹۰ دقیقهدن کوپراق دم آلهدیگن (اشتراکچیلرنینگ ۸ فایزی) آدملرده سکته قیلیش خوفی ۷-۸ ساعت اوخلهیدیگن آدملر گه نسبتن ۸۵ فایز یوقاری اېکنینی کورستدی.
عالملرنینگ تأکیدلشیچه، حددن تشقری کوپ اوخلش قان-تامیر کسللیکلری رواجلنیشی خوفینی آشیرهدی. تونگی اویقو دوامیلیگی توصیه اېتیلگن معیاردن آشگن اشتراکچیلرده سکته قیلیش خوفی ۲۳ فایز گه آشگن. اوزاق مدتلی کوندوزگی اویقو هم خوفلی بولیب چیققن. تدقیقاتده بیر یریم ساعتدن آرتیق دم آلیش قان-تامیر کسللیکلری احتمالینی ۲۵ فایز گه آشیرگن.
بیزلرنینگ «ایکس» ترماغی ده هم تعقیب قیلینگ!
اولراق لافبورو بیلیم یورتی عالملری عیاللر ایرککلر گه قرهگنده کوپراق اوخلشی کېرهکلیگینی انیقلهگندی. قید اېتیلیشیچه، عیاللر بیر وقتده بیر نیچته وظیفهنی بجرگنی اوچون اولرنینگ میهسی ایرککلرنیکیدن تیزراق ایشلهیدی.
