بلخ محلی و امنیتی مسوول‌لری نینگ ایتیش‌لریچه، اوتگن “سه‌شنبه” کونی اوشبو ولایت نینگ شولگره تومنی‌نی «حلقه‌جر» منطقه‌سیده، بیر هاوان نینگ مسکونی اوی‌گه توشگنی سبب، ۶ تینج اهالی هلاک ایتیلگن.
بوگون “چهارشنبه” شولگره تومنی ولسوالی سراج‌الدین عابد نینگ سلام‌وطندارگه ایتیشیچه، امنیتی کوچلر و طالبان جنگریلری آره‌سیده یوز بیرگن آتیشمه جریانیده بیر هاوان مسکونی اوی‌گه توشگن و نتیجه‌ده بیر عایله نینگ ۶ اعضاسی هلاک ایتیلگن. اونینگ ایتیشیچه، ۳ عیال و ۳ ایرکک قربان بولگن‌لر جمله‌سیدن دیر.
جناب عابد نینگ کوپه‌یتیریشیچه، مذکور هاوان نی کیم‌لر تامانیدن آتیلگنی بیللی ایمس.
بیراق، بلخ پولیس قومندانلیگی سوزلاوچیسی عادل‌شاه عادل نینگ ایتیشیچه، امنیتی کوچلر و طالبان آره‌سیده یوز بیرگن آتیشمه جریانیده، طالبان تامانیدن آتیلگن هاوان مسکونی بیر اوی‌گه توشگن.
جناب عادل، اوشبو واقعه‌ده ۶ تینج اهالی نینگ هلاک ایتیلگنی‌نی تصدیق‌لگن.
طالبان گروهی حاضرگه‌قدر بوتوغریده فکر بیلدیرمه‌گن.