سلاموطندارنینگ ایش بیلن باغلیق توشکونلیگی بولگن ۳۰ یاش بیلن صحبتی شونی کورستهدی کی، تحصیل گه ماس ایش یوقلیگی و ایش جریانیده رواجلنیش امکانیتی یوقلیگی سببلی، اوشبو یاشلر ایش توشگونلیگی بیلن دوچ بولگنلر.
۱۵ قیز و ۱۵ ییگیت شامل بو یاشلر، طبیات، ییتکرمه، مکتبلر، خصوصی نهادلر، تیکووچیلیک ایشخانهلری، بیلیم یورت و کتابخانهده ایش بیلن مصروف دیر.
اوشبو یاشلردن ۱۷ نفری گه کوره، نیچه ییلدن بیری ایشلهیاتگن بولسهلر-ده بیراق ارتقا قیلیشمهگن و باشقه ۱۳ نفری هم، تحصیللریگه ضد بولیمده ایشلهیاتگنلرینی ایتگنلر؛ بو ایکی عامل ایشده انگیزهسیزلیک، مسلکی ایشلش ضعیف بولیشیگه سبب بولیب و نتیجهده اوشبو یاشلرنینگ ایش توشگونلیگیگه آلیب کیلگن.
ایش توشگونلیگی (Occupational Depression)، ایش محیطی بیلن باغلیق عامللر سبب یوزه گه کیلهدیگن کیفیت بوزیلیشینینگ بیر توری بولیب، دایمی انگیزهسیزلیک، اوزینی قدرسیز حس قیلیش، دقتنینگ پسهیشی، چرچاق و مسلکی ایش ضعیفلیگی کبی بیلگیلر بیلن نمایان بولهدی.
شو بیلن بیرگه، اوشبو گزارش نتیجهلری شونی کورستهدی کی، ظرفیتنی آشیریش دستورلری، تعلیم دستورلری و کسب اورگهنیش امکانیتلرینینگ یوقلیگی، ایکی اساسی عامل بولیب یاشلرنینگ ایش توشگونلیگیگه سبب بولگن.
اوشبو گزارشده بدخشان، بغلان، پنجشیر، پروان و کابل ولایتلریدن یاشلر اشتراک ایتگن.
احمد حفیظی، مکتبلردن بیریده ایشلهیدی، ایش جاییده ایش توشگونلیگی بیلن روپهره ایکنینی معلوم قیلهدی. اونگه کوره ظرفیتنی آشیریش دستور، اورگهنیش امکانیتلری یوقلیگی سببلی، ایشگه نسبتن انگیزهسی کمهیگن.
او شوندهی دییدی: «ایشنی باشلشدن آلتی آی اوتیشیدن کیین چرچاق حسی تاپیلدی، توشکونلیک تاپیلیش عاملی ارتقا یوقلیگی و خادملرنینگ رواجلنیشی اوچون امکانیتلر یوقلیگی و خادملر اورتهسیدهگی تبعیض دیر.»
شو بیلن بیرگه، یاردم بیرووچی نهادلردن بیرینینگ خادمی سوریا یوسفی، ایش توشگونلیگی سببینی ظرفیتنی آشیریش امکانیتی یوقلیگی، ایش باسیمی و خادملر اورتهسیدهگی تبعیض بارلیگی عنوان قیلهدی.
اونگه کوره: «ایش باشلهگنیمدن بیری نیچه مرته چرچاقنی حس قیلدیم و تورلی عامل جملهدن ایش باسیمی، اوزاق ایشلش و خادملر اورتهسیده تبعیض بارلیگی، توشکونلیگیمگه سبب بولدی.»
اوشبو یاشلر، ظرفیتنی آشیریش دستورلری یوقلیگی، برقرار بیر محیط ایچیده اوزاق مدت ایشلش و انیقلنگن بیر بولیمده تکراری ایشلرنی بجریشنی ایش توشگونلیگی مهم عامللریدن دیگنلر.
مریم محمدی، بالهلر اوچون کتاب بولیمیده نهادلردن بیریده ایشلهیدی ایتیشیچه، آلتی ییلدن بیری فقط بیر ایشنی بجرماقده. اونگه کوره، برقرار بیر جایده وظیفه اوزگرتیریلمسدن یا کی رواجلنیش امکانیتی یرهتیلمسدن کیتمه-کیت و اوزاق مدت ایشلش سببلی چرچاقلیک حسی تاپیلگن.
او شوندهی دییدی: «بالهلر تشکیلاتیده آلتی ییلدن بیری ایشلهی من، بیر ایشنی کیتمه-کیت بجرسهیز و اوزاق سورسه و ایش هم بیر جای و انیق کیشیلر بیلن بولسه، چرچاق حسی تاپیلیب و توشکونلیککه دوچ بولهسیز.»
مکتبلردن بیریده مدیر عبدالله محمدی هم، تکراری ایشنی قیلیش و بیر جایده اوزاق مدتلی ایشلشنی ایش توشگونلیگی عامللریدن بیلهدی.
اونگه کوره، ایش جایی بیر تورلیگی و لوازم اوزگرتیریلمسلیگی، استه-سیکین انگیزه کمهیشیگه آلیب کیلیب و ایش توشگونلیگیگه سبب بولهدی.
او شوندهی دییدی: «بیر جایده نیچه ییل و تکراری ایشلرنی بجرسنگیز، چرچاق حسی تاپیلهدی و ایش توشکونلیگیگه سبب بولهدیگن نرسه ایش باسیمی و تکراری ایشنی بجریش و اوزاق ایشلش دیر.»
شو بیلن بیرگه، بعضی یاشلر تحصیل گه ضد لوازمده ایشلشنی، ایش توشگونلیگی سببی عنوان قیلهدیلر.
کوثر امیری، اقتصاد بولیمیدن فارغ بولگن، بیراق بو ساحهده ایش تاپه آلمهگنی اوچون مکتبلردن بیریده اوقیتوچیلیک قیلیش گه مجبور بولگن.
او شوندهی دییدی: «قریب اوچ ییلدن بیری اوقیتووچیلیک قیلهمن و تحصیل گه ضد ایشلهی من و ایش جریانیده – ایشیم مدیریت دیر و اوقیتووچیلیک قیلگنیم اوچون توشکونلیک تاپیلگن، تحصیل گه موافق ایشلهگنیم یوق روحی خستهلیک تاپیلگن.»
حقوق فاکولتهسیدن فارغ بولگن احمد، تحصیلی گه ضد ایشلهیدی ایتیشیچه، اقتصادی قیینچیلیک و ایش فرصتلری آزلیگی سببلی باشقه بولیمده ایشلش گه مجبور بولگن.
اونگه کوره: «سیاسی بیلیم بولیمیده فارغ بولگن من و تلویزیونده ایشلهی من؛ اوزاق ایشلش و ایش جاییده حمایت بولمسلیک و ایش باسیمی سببلی روحی چرچاق و توشکونلیک تاپیلگن.»
شو بیلن بیرگه، اقتصاد، اداره و مدیریت بوییچه بیلرمانلر، ایش توشگونلیگیگه بی فرقلیک انساننینگ روحی سلامتلیگیگه سلبی تأثیر قوییشی حقیده آگاهلنتیریشهدی. اولرنینگ فکریچه، ظرفیتنی آشیریش، ایش بولیمیده مصلحت بیریش و روحی حمایت بولیش، بو معمالرنی کمهیتیریشی ممکن.
اقتصاد شناس عبدالنصیر رشتیا گه کوره، مالیهوی ترغیب بولیش، ظرفیتنی آشیریش و مسلکی تعلیملر، ایش توشگونلیگینی کمهیتیریش یگانه ییچیم یوللردن دیر. او شوندهی دییدی: «مالیهوی ترغیب بولیش و ظرفیتنی آشیریش اوچون تعلیمی دستورلر اوتکزیلیشی ایش توشگونلیگینی کمهیتیریش گه یاردم بیرهدی، چونکی ینگی تکنالوژی گه آشنا موافق ایشلرنی بجرسهی، توشکونلیک کمهیشیگه یاردم بیرهدی.»
بیلیم یورت استادی و اداره همده مدیریت بولیمیده بیلرمان سردار محمد ساعینینگ ایتیشیچه، یاشلر اورتهسیدهگی ایش توشگونلیگی بارهسیده دقت قیلینمسه، اجتماعی انقراض گه سبب بولیب و مملکت کیلهجگینی خوف بیلن دوچ قیلیشی ممکن.
او شوندهی دییدی: «ایش توشگونلیگی، روحی، تنیش و جسمانی یاندهشوو دیر. بو معمانی حل قیلیش اوچون وقتنی باشقریش، ینگی مهارتلرنی اورگهنیش و مصلحت بیریش دیر و ایش جاییده ایش باسیمی کمهیتیریلیشی، وقتیده آیلیک بیریلیشی و ایش توشکونلیگیگه چلینگن خادملر گه حرمت قیلیش بیلن کمهیتیریش ممکن.»
برچهسی بیلن، اسلام امیرلیگی ایش و اجتماعی ایشلر وزیرلیگی، ایش توشگونلیگینی کمهیتیریش و ایش فرصتلرینی یرهتیش اوچون ظرفیتنی آشیریش تورلی ریجهلری بارلیگینی بیلدیرهدی. اوشبو وزیرلیک سوزلاوچیسی سمیعالله ابراهیمی شوندهی دییدی: «ایش و اجتماعی ایشلر وزیرلیگی ایش فرصتلرینی یرهتیش و ایشسیزلیکنی کمهیتیریش همده ظرفیتنی آشیریش اوچون تورلی ریجهسی بار. بو ریجهلر بوتون ولایتلرده دولت و نادولت ادارهلریده عملگه آشیریلماقده.»
بوتوغریده، اخبارات و مدنیت وزیرلیگینینگ فکر-ملاحظهسینی اورگهنیشنی ایستهدیک، بیراق کیتمه-کیت سعی-حرکتلر بیلن موفق بولمهدیک.
ایتیش ضرور کی، افغانستانده یاشلرنینگ ایش وضعیتی حقیده ترقهلگن تورلی گزارشلر شونی کورستهدی کی، یاشلر اورتهسیده ایش توشگونلیگی اجتماعی جدی معمالردن بیریگه ایلنگن؛ بونینگ ایلدیزی ایشسیزلیک، ایش ناتینچلیگی، ترقیاتی فرصتلر یوقلیگی، اقتصادی باسیملر، تحصیل و ایش بازاری اورتهسیده هماهنگسیزلیکدن کیلیب چیقهدی.
