شفاکارلردن قطاری نینگ ایتیشلریچه، عیاللر ایرککلر گه قره‌گنده کوپراق «شکر» کسل‌لیگی‌گه چلینه‌دیلر. سلام‌وطندار نینگ کابل ده ۲۳ عیال بیلن اوتکزگن صحبتلری گه کوره، تورلی عامللر عیاللر نینگ «شکر» کسل‌لیگی‌گه چلینیشی‌گه سبب بولگن. سلام‌وطندار بیلن صحبت قیلگن ۲۳ عیال‌دن ۲۰ ته‌سی نینگ ایتیشیچه، شکر کسللیگی نینگ ارثی بولگنی سبب، بو کسل‌لیککه چلینگنلر.
شکر کسل‌لیگی‌گه چلینگن بنفشه و نجیبه نینگ سلام‌وطندار گه ایتیشلریچه، مذکور کسل‌لیک اولر گه اوتگنلریدن میراث قالگن.
بنفشه نینگ ایتیشیچه: «شکر کسللیگی گه چلینگنیم‌دن ۱۲ ییل بولگن؛ باله‌م یوق؛ چونکه شکر کسللیگی مینی فرزند‌سیز بولگنیم گه سبب بولگن؛ هیچ قچان حمل آلالمه‌دیم. توی قیلمه‌گنیم‌دن بیری شکر کسللیگیم بار و شکر کسللیگی ارثی دیر. آته‌م، آنه‌م، خاله‌م، عمه‌م، برچه‌میزده بار.»
بیزلرنینگ «ایکس» ترماغی ده هم تعقیب قیلینگ!
شونینگدیک نجیبه نینگ ایتیشیچه: «۱۱ ییل‌دن بیری شکر کسللیگی گه چلینگن‌مین؛ آلتی باله‌م بار و شکر کسللیگی ارثی دیر. کوپ پیت‌دن بیری درمان آستیده‌مین. شکر کسللیگیم بیر حالت گه ایمس. کوپینچه پیت تشویش قیلگنیم‌ده یوقاری کیته‌دی.»
باشقه بیر تاماندن، عیاللر نینگ حامله‌لیک چاغیده شکر کسللیگی گه چلینیشلری ممکن که چقه‌لاقری نینگ توغیلگنی‌دن کیین عادی شکلده بو کسل‌لیک اورته‌دن کیته‌دی. شکر کسل‌لیگی‌گه چلینگن فیروزه نینگ ایتیشیچه، حامله‌لیک چاغیده بو کسل‌لیککه چلینگن.
اونینگ کوپه‌یتیریشیچه: «ییتی ییل آلدین حامله‌لیک چاغیده شکر کسللیگی گه چلیندم. عملیات بولگنیم‌دن کیین بیلدیم که شکریم بار. کوپینچه پیت گنس ایدیم؛ جان آغریق ایدیم؛ حتا یوره‌ک کسللیگیم بار ایدی و یوره‌گیم کوپ ضعیف بولگن ایدی. اوندن کیین شفاکار معاینه قیلدی و شکر کسل‌لیگینگ بار دیدی. بیر قطار آزیق-آوقت محصولاتی نی قوللنمه دیدی.»
شونده‌ی بیرحالده، شکر کسللیگی نی نظارت قیلیش مرکزی‌ده‌گی شفاکار زرغونه حبیبی نینگ ایتیشیچه، بو کسل‌لیککه چلینگن عیاللر مراجعتی ایرککلر گه قره‌گنده کوپراق دیر.
اونینگ کوپه‌یتیریشیچه: «کونده قریب ۱۶۰-۱۵۰ کسلیمیز بار؛ کابل و ولایت‌لردن مراجعت قیله‌دیلر. ۲۳ مینگ ۷۲۶ کیشینی عیاللردن ثبت قیلدیک و ۲۰ مینگ ۷۳۰ کیشی نی ایرکک‌لردن ثبت قیلدیک؛ یعنی ایرککلرگه قره‌گنده عیاللر مراجعتی سانی کوپراق دیر.»
عمومی ایچکی کسل‌لیکلر بولیمی شفاکاری رحیم‌گل درویش نینگ ایتیشیچه، ایرککلر گه قره‌گنده عیاللر کوپراق شکر کسللیگی گه چلینه‌دیلر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «ایرککلر گه قره‌گنده عیاللر کوپراق شکر کسللیگی گه چلینه‌دی و عیاللر ایرککلر گه نسبت کم‌راق فیزیکی فعالیتلری بار. شکر کسللیگی علایمی عیاللر و ایرککلرده بیر تور دیر؛ هیچ فرقی یوق. بیر قطار علایم بار که اولر آچ قاله‌دیلر یا-ده سووسیز قاله‌دیلر، باریب-کیلیش و تشویشلری کوپ بوله‌دی.»
عین حالده، ساغلیق‌نی سقلش وزیرلیگی سوزلاوچیسی شرافت زمان امرخیل، شکر کسللیگی گه چلینگنلر سانی کوپه‌یگنی نی تصدیق‌لب ایتیشیچه: «۲۰۲۲-ییل‌ده قیغو بیلن ۱۷۴۹۹ واقعه‌میز بار ایدی و ۲۰۲۳-ییل‌ده ۱۷۴۴۴ واقعه ثبت بولگن و ۲۰۲۱-ییل‌ده شکر کسللیگی گه چلینگن قریب ۱۴۸۶۶ کیشی ثبت بولگن ایدی. ۲۰۲۳-ییل‌ده ۴۰۶ کیشی وفات قیلدی که عیاللر و ایرکک‌لردن عبارت ایدی. شکر کسللیگی گه چلینگن کسللرنی دوالش اوچون وزیرمحمد اکبرخان کسل‌خانه‌سیده بیر مرکز و ولایت‌لر جمله‌دن ننگرهار ده ۲۰ اورین‌لی بیر کسل‌خانه اختصاص بیریلگن.»
ایتیش کیره‌ک که، شکر کسللیگی گه چلینیش نینگ تورلی عامللری بار که اولر ارا، ژنتیکی، سیمیزلیک و آز فعالیت‌لیک قیلیش عامللری، اینگ اساسی عامللردن دییلگن که کوپراق عیاللرنی بو کسل‌لیککه چیلنتیره‌دی.
