جوزجان ولایتی نینگ مرکزی شبرغان شهری ده مملکت ملی تیرمه جماعه‌سیده برتر سیمالرنی تنلش اوچون کوره‌ش تنلاو بیلله‌شووی یولگه قوییلدی.
جوزجان کوره‌ش فدراسیون مسئولی محمدطاهر نینگ ایتیشیچه، مملکت ملی تیرمه جماعه‌سیده برتر سیمالرنی تنلش مقصدیده ییگیت‌لر و یاش‌لر آره‌سیده ۸ سنی رده ده، یوزلرچه تماشاچی حضوری بیلن شبرغان شهری نینگ سپورت جمنازیومیده کوره‌ش تنلاو مسابقه یولگه قوییلگن.
بیزلرنینگ فیسبوک صحیفه‌میزگه باش اورینگ!
جوزجان کوره‌ش فدراسیون مسئولی گه کوره، اوشبو بیلله‌شووده مرکز و مذکور ولایت نینگ ۱۰ تومنیدن، ۱۲۰ سپورتچی بیلن ۱۶ تیم اشتراک ایتگنلر.
اونینگ کوپه‌یتیریشیچه، مذکور بیلله‌شووده درزاب تومنی سپورتچیلری ۲ آلتین، ۳ کومیش و بیر برنز مدال آلیش بیلن بیرینچی مقام، شبرغان شهری دن صداقت کلپ نظری سپورتچیلری ۲ آلتین، ۲ کومیش و ۲ برنز آلیش بیلن ایکینچی مقام و شونینگدیک تیموریان سپورتچیلری بیر آلتین و ۲ برنز آلیش بیلن اوچینچی مقام‌نی کسب ایتگنلر.
اوشبو بیلله‌شووده اشتراک ایتگن سپورتچیلردن قطاری، ملی و خلق‌ارا مسابقه‌لرده اشتراک ایتیش مقصدیده سپورتچیلر حمایت بولیشی، اولر گه قولی‌لیک و مالی امکانیت یره‌تیلیشینی طلب قیله‌دیلر.
بیزلرنینگ توییترده هم تعقیب قیلینگ!
عین‌حالده، جوزجان ده اسلامی امارت مسئوللری، سپورتچیلر نینگ قوللب_قوتلش و ترغیب قیلیش مقصدیده سعی و حرکت قیلیش‌لریدن ایشانچ بیلدیره‌دیلر.