هلمند ولایتی محلی مسئوللری، جاری میلادی ییلده اوشبو ولایتده بالهلر فلجی (پولیو)نینگ ییتیته ایجابی حالتی قید ایتیلگنینی معلوم قیلگنلر. بوندن ایلگری اسلام امیرلیگی ساغلیقنی سقلش وزیرلیگی مسئوللری، جاری ییلده مملکت بویلب پولیونینگ هیچ مثبت حالتی قید ایتیلمهگنینی ایتگن ایدیلر.
هلمند ساغلیقنی سقلش باشلیغی نقیبالله فاتح گه کوره، اوشبو ییلده افغانستان مقیاسیده پولیونینگ ۲۵ ته ایجابی حالتی که اونینگ ییتیتهسی هلمند ده قید ایتیلگن.
هلمند ولایتیده پولیو بولیمی مسئولی عنایتالله غفارینینگ ایتیشیچه، بیر حالت نادعلی، بیر حالت واشیر، ایکی حالت موساقلعه، بیر حالت نهرسراج تومنلری، بیر حالت لشکرگاه شهری و ینه بیر حالت هم دیشو تومنیده قید ایتیلگن.
اونینگ کوپهیتیریشیچه، حاضرگچه هلمند ولایتیده ۱۶ ته یشش محیط حالتی بارهسیده خبر قیلینگن.
افغانستانده پولیو حاضرگچه یوق قیلینمهگن و اسلام امیرلیگی اوتگن بیش ییلدن کوپراق دوامیده مملکتلر و خارجی تشکیلاتلردن اوشبو کسللیکنی یوق قیلیش اوچون بو مملکت بیلن همکارلیک قیلیشلرینی سورهگن.
