سعودی عربستان افغانستان یشاوچیلریدن آرقه‌داشلیک قیلیش اوچون افغانستان انسان‌سیورلیک امانت صندوقیگه ۳۰ میلیون دالر یاردم کورسته‌گن.
مذکور صندوق اسلامی همکارلیک تشکیلاتی اویغونلیگی بیلن اسلامی ترقیات بانکی نینگ چتری آستیده فعالیت قیله‌دی.
بیزلرنینگ فیسبوک صحیفه‌میزگه باش اورینگ!
سعودی عربستان رسانه‌لری نینگ گزارش بیریشلریچه، اوشبو یاردم دن مقصد، افغانستان یشاوچیلریدن آرقه‌داشلیک قیلیش و اوشبو مملکتده، اهالی نینگ درد و الملرینی درمانلَش و افغانستان اقتصادی قولشی نینگ آلدینی آلیش دیر.
سعودی عربستان رسانه‌لری نینگ کوپه‌یتیریشلریچه، اوشبو مملکت اوتگن نیچه دهه دن بویان افغانستانگه تورلی بولیملر جمله دن تعلیم و تربیه، ساغلیق، خوف‌سیزلیک و اقتصادی بولیم‌لرده ۲۶۶.۵ میلیون دالرنی صرفله‌گن.
شونده‌ی بیرحالده، اسلامی امارت تشقی ایشلر وزیرلیگی، سعودی عربستان نینگ اسلامی ترقیات بانکی آرقه‌لی قیلگن ۳۰ میلیون دالر یاردمیدن منتدار چیلیک بیلدیرگن.
اسلامی امارت تشقی ایشلر وزیرلیگ نینگ سوزلاوچیسی عبدالقهار بلخی بیر اعلامیه ترقه‌تیب ایتیشیچه، سعودی عربستان حکومتی هردایم یامان و قَلتیس شرایطده افغانستان یشاوچیلری نینگ یانیده توریب یاردم بیرگن، او مذکور یاردملر دوام ایتیشینی سوره‌ب ایکی مملکت اورته‌سیده‌گی رابطه‌لری کوچلی بولیشیگه امیدوارلیک بیلدیرگن.
بیزلرنینگ توییترده هم تعقیب قیلینگ!
اسلامی همکارلیک تشکیلاتی اوتگن ییل نینگ قوس آییده اسلامی همکارلیک تشکیلاتی گه عضو بولگن مملکتلر تقشی ایشلر وزیرلری نینگ فوق‌العاده ییغینی سونگیده، مذکور تشکیلات‌گه عضو بولگن مملکتلر افغانستان یشاوچیلری‌گه انسان‌سیورلک یاردم کورسته‌تیش اوچون «انسان‌سیولیک امانت صندوق» نی اسلامی ترقیات بانکی چتری آستیده قورگن ایدیلر.
