سرپل ده عیاللردن قطاری نینگ سلام‌وطندار گه ایتیشلریچه، ایش‌سیزلیک اولر نینگ اقتصادی قیین‌چیلیک‌لری کوپه‌یگنی گه سبب بولگن.
مذکور عیاللردن بیری شیما نینگ ایتیشیچه، اوتگن ییل‌لرده باله‌لر باغچه‌سیده اوقیتووچی ایکن؛ لیکن بیر ییل‌دن بویان ایش‌سیز بولیب و اقتصادی قیین‌چیلیکلر بیلن روپه‌ره بولگن.
اونینگ کوپه‌یتیریشیچه: «حاضر تیکووچیلیک قیله‌من؛ لیکن اهالی اقتصادی یخشی بولمه‌گی اوچون اونچه‌لیک کییم آلیب کیلمه‌یدیلر. یامان اقتصادی وضعیت گه قالگن‌مین. تورموش اورتاغیم شهید بولگن و اوغلیم هم یوق. یالغیز اوچ قیزیم بار. عایله خره‌جتیم کوپ، انه شوو سبب بیران وقت باله‌لریم گه کیچه نیمه پیشیره‌ی دیب حیران قاله‌من.»
بیزلرنینگ «ایکس» ترماغی ده هم تعقیب قیلینگ!
شونینگدیک اسلام امیرلیگی حاکمیتی‌دن کیین ایش‌سیز بولگن ناجیه نیازی نینگ ایتیشیچه، تقدیر‌سیزلیک، ایش‌سیزلیک و کیله‌جکلری نابیللی بولگنی، اونینگ روحی قیین‌چیلیککه دوچ قیلگن. «یامان اقتصادی بیر وضعیت گه قالگن‌میز، چونکه تورموش اورتاغیم نینگ آز آیلیگی بیلن حیات کیچیره‌میز و تورموش اورتاغیم عایله سرپرستی دیر. حاضر عیاللر ایش قیله آلمه‌یدی و اولر جوده‌یم قیین بیر وضعیت‌ده قرار تاپگن.»
عیاللر کیله‌جکلری و عایله خره‌جتی نی تامین‌لش خصوصیده خواطر بیلدیریب و اسلام امیرلیگی‌دن ایش زمینه‌سی یره‌تیلیشی نی ایسته‌‌گنلر.
شونده‌ی بیرحالده، اقتصادی ایش بیلرمان‌لریدن قطاری اسلام امیرلیگی‌دن عیاللر و ایرکک‌لر گه ایش زمینه‌سی یره‌تیلیشی نی ایسته‌ب و ایتیشلریچه، عیاللردن قطاری عایله سرپرستی دیر و اولرنینگ تورلی بولیم‌لرده ایشلش گه نیازلری بار.
اقتصادی مسئله‌لری بوییچه ایش بیلرمان عارف عادل نینگ ایتیشیچه: «عیاللر کوپینچه قیین‌چیلیک بیلن روپه‌ره دیر. تورموش اورتاقلری معتاد بولگن عیاللرنی تانیمن و شو رقم تورموش اورتاقلری کسل یا-ده ناگران بولگن یا اوتمیش‌ده ایشلب و حاضر ایش‌سیز بولگن عیاللرنی تانیمن که اولر بو قیین‌چیلیکلر اوچون ایشلش گه مجبورلر. اسلام امیرلیگی مسئوللریدن عیاللر اوچون جدی توجه قیلیب و اولر گه ایش زمینه‌سی یره‌تیلیشی نی ایسته‌میز.»
بیزلرنینگ فیسبوک صحیفه‌میزگه باش اورینگ!
شونینگدیک سرپل ده عیال حقوقی فعاللری نینگ ایتیشلریچه، حکومت‌لر مملکت یشاوچیلری حقوقی نی رعایت قیلیب و ایش حقی کبی اساسی حقلردن فایده‌لنیشنی نینگ جنسیت گه قره‌مه‌ی برچه گه یره‌تیشلری کیرهک.
بو توغریده عیال حقوقی فعالی عایشه رسولی نینگ ایتیشیچه: «عیاللر یامان اقتصادی وضعیت گه قرار تاپگن، اولر اوتمیش کبی ایش گه باره آلمهیدیلر و باله‌لری بیلن عایله‌لریدن مالی حمایت قیله آلمهیدیلر. چونکه اولردن کوپینچه دولتی اداره‌لر، مکتب‌لر و باله‌لر باغچه‌سیده ایش قیله‌ر ایدی که حاضر ایش‌سیز بولیب و اقتصادی بحران گه قرار تاپگن.»
ایتیش کیرهک که، اسلام امیرلیگی نینگ قدرت گه ایریشگنی‌دن کیین، افغانستان ده عیاللر اوچون ایش فرصت‌لری کمه‌یب و اولرنی کوپینچه قیین‌چیلیک بیلن روپه‌ره قیلگن.
