سونگی کون‌لر سرپل ده خوفلی سرککه اوزگرگن «ناری بند» کوتلی نینگ تیگیسلش و جغل توشش ایشی باشلنگن. ناری بند، سرپل نینگ کوهستانات و البدر تومنلری یولیده‌گی خوفلی و خراب کوتللریدن دیر که یشاوچیلر گه کوره، مذکور یول اهالی‌دن کوپینچه قربان‌لیک آلیب و سونگی ۲۰ ییل‌ده بو سرک خصوصیده هیچ قنده‌ی توجه صورت تاپمه‌گن.
سرپل یشاوچیلریدن قطاری، ایش زمینه‌سی یره‌تیلیشی و آستقورمه پروژه‌لر نینگ تطبیق بولینیشی خصوصیده اسلام امیر‌لیگی حکومتی نینگ جدی شکلده توجه قیلیشی نی ایسته‌گنلر.
بیزلرنینگ فیسبوک صحیفه‌میزگه باش اورینگ!
سرپل یشاوچیلریدن نعمت‌الله، «ناری بند» کوتلی نینگ تیگیسلش و جغل توشش ایشی باشلنگنی‌دن خورسندلیک بیلدیریب؛ بیراق ایتیشیچه، حکومت و اجتماعی نهاد‌لر بو سرک ایشی نینگ اساسی شکلده حل قیلیشلری کیره‌ک.
اونگه کوره، سونگی ۲۰ ییل‌ده «ناری بند» کوتلی سرکی نینگ توزه‌تیلیشی خصوصیده هیچ قنده‌ی توجه بولمه‌گن و سرک نینگ خرابلیگی دایم قیین‌چیلیک یره‌تگن.
اونینگ کوپه‌یتیریشیچه: «دایم بو سرک اهالی نی قیین‌چیلیک بیلن روپه‌ره قیلگن؛ اهالی اولگن و حامله عیال‌لر مذکور یول‌ده چقه‌لاغی نی توغگن. کوپینچه پیت ایکینچیلیک حاصللر هم یول نینگ خرابلیگی سبب، خراب بولیب و ایکینچیلر گه هم کوپینچه مالی زیان ییتکزگن.»
سرپل یشاوچیلریدن باشقه بیری نجیب‌الله نینگ ایتیشیچه، توغروق و یوره‌ک بولیکی کسل‌لری نینگ بو یول‌دن انتقال بیریلیش چاغیده، «ناری بند» کوتلی سرکی نینگ خرابلیگی سبب، جان بیرگن و حاضر ایسه اسلام امیر‌لیگی اوشبو یول نینگ قیته توزه‌تیلیشی نی قولگه آلگن و بو ایش جوده‌یم یخشی دیر.
اونگه کوره، «ناری بند» کوتلی سرکی نینگ تیگیسلش و قیته توزه‌تیلیشی بیلن، ترافیکی حادثه‌لردن توسیق بولیش یانیده، شونینگدیک کسل‌لر هم وقتیده کسل‌خانه‌لر و ساغلیق بولیمی مرکزلری گه انتقال بیریله‌دیلر.
نجیب‌الله نینگ کوپه‌یتیریشیچه: «بو یول‌ده جوده‌یم قیین‌چیلیک کوپ دیر و یول هم خوفلی، بو یول‌ده آلتی حلقه نفت قودیغی هم بار. بو سرک نینگ اساسی توزه‌تیلیشی نی ایسته‌یمیز.»
سرپل محلی مسئوللری نینگ ایتیشلریچه، بو پروژه‌ده دولتی اداره‌لر و ولایت مقامی امکانیت‌لریدن وقتینچه‌لیک شکلده اقدام قیلگنلر؛ بیراق کیله‌جک‌ده بو سرک ایشی نینگ اساسی شکلده حل قیلیش خصوصیده سعی و حرکت قیله‌دیلر.
سرپل حاکمی محمدیعقوب عبدالرحمان اکه، «ناری بند» کوتلی‌ده‌گی موجود قیین‌چیلیک‌لر نی تصدیق‌لب، اوشبو ولایت مرکزی بیلن بیر نفت کانی و ایکی تومن یولی نی باغله‌یدیگن سرک نینگ قیته توزه‌تیش مقصد، سعی و حرکت قیلینیشی‌دن خبر بیرگن. اونگه کوره، اسلام امیر‌لیگی زمان اوتیشی بیلن اهالی قیین‌چیلیگی نی حل قیلیب و اهالی خواطرلری نینگ یکونلنتیره‌دی.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «اهالی نینگ قیین‌چیلیگی‌دن کوپینچه‌سی اوشبو سرککه تیگیشلی دیر. بو مرته اوشبو سرک نینگ اساسی شکلده توزه‌تیلیشی اوچون کیلدیک. بو سرک نینگ اساسی شکلده توزه‌تیلیشی خصوصیده سوز بیرگن‌میز. ان‌شاءالله کابل کیتیب و وزیر بیلن صحبت قیله‌من و یخشی بیر امر کلتیره‌من که بو سرک اساسی شکلده توزه‌تیلسین.»
دین عالملری و قوم بویوک‌لریدن قطاری نینگ ایتیشلریچه، مذکور سرک ایشی نینگ اساسی شکلده حل بولمه‌گونچه، اهالی قیین‌چیلیکلری حل بولمه‌یدی و اسلام امیر‌لیگی بو توغریده جدی توجه قیلیشی کیره‌ک.
